श्रीमतीले धोका दिदा आत्महत्याको प्रयास गरे इकुले
काठमाडौँ – कलाकार सुलेमान शंकर ‘इकु’ ले नयाँ पत्रिका दैनिकसँग गरेको अन्तरंग कुराकानी :
मलेसियामा थिएँ । घरबाट फोन आयो । मेरी पत्नीको बारेमा नराम्रो खबर सुने । प्रेम गरेर बिहे गरेकी श्रीमतीले पनि मलाई धोका दिई । एकातिर फिल्म डुब्नुको पीडा, अर्कोतिर पत्नी पीडा, साह्रै दिक्का लाग्यो ।
मलेसिया र सिंगापुरको बीच्को पुलबाट हाम फालेर आत्महत्या गर्ने योजना बनाएँ । तर, मैले झट्ट सम्झिएँ – दर्शकले मलाई दिएको माया ।
बच्चा बच्चीले इकु..इकु… भन्दै मेरा पछि लागेको, अटोग्राफ लिएको ।
अनि सम्झिएँ मेरो हरेक दुःख सुखमा आमाबाबुले दिएको सहारा । त्यसपछि आफूलाई स्ट्रोङ बनाउन थाले । जसकारण आज म दर्शकमाझमै हुन पाएको छु ।
चलचित्रले डुबायो
मैले जीवनमा सुपरहिट र सपुरफ्लप दुवैको स्वाद चाखेको छु । एउटा फिल्मले मान्छेलाई करोडमा र एउटैले रोडमा ल्याउन सक्दो रहेछ । २४ लाखमा बनेको इकु दी जंगल म्यानले राम्रो आम्दानी गरेपछि मैले हौसिएर ८५ लाखमा इकु ब्याक अगेन बनाएँ तर त्यो फ्लप भयो । फिल्म बनाउन केही साथीहरुसँग ऋण लिएको थिएँ । पछि उनीहरुले मलाई पेल्न थाले ।
