बाँदर पिडीत कृषकको लौरेपालो

monkey-750x430बाँदरले आतंक मच्चाउन थालेपछि पर्वतको ग्रामीण भेगका किसान हैरानी व्यहोर्न बाध्य भएका छन् । लगाएको खेती उम्रिन नपाउँदै छरेको बिउ बाँदरले सखाप पारेपछि किसान समस्यामा परेका हुन् ।

वनबाट गाउँ पस्ने बाँदरले बालीमा सखाप पार्न थालेका हुन् । किसानले बाँदर धपाउन अनेक जुक्ति अवनाए पनि बाँदरले भने बाली सखाप पार्न छाडेको छैन ।

खौला, आर्थर, ठूलिपोखरी, राम्जा, पकुवा लगायत गाविसमा बाँदरको आतंक बढी छ । ‘मकै लगाएर बिउको गेडो पनि घर भित्र परेन’ खौला–९ का लालबहादुर थापाले भन्नुभयो ‘अहिले गहुँ छरेर घरमा फर्किनसक्दै बाँदरले बिउ टिपेर खाइसकेको हुन्छ ।’

बाँदरले सास्ती दिएपछि खौला–९ का किसान एकजुट भएर सबैले एकै ठाउँमा आलु खेती गरेका छन् । एकै ठाउँमा आलु लगाएपछि बाँदरलाई भगाउन आलोपालो गरेर ड्युटी बस्ने गरेको खौला–९ का सविन थापाले बताउनुभयो । ‘३० देखि ४० को संख्यामा एकै पटक आउँछन्’ उहाँले भन्नुभयो ‘कुकुरसहित बाँदरलाई भगाउन गयो भने पनि उल्टै कुकुर र मान्छेलाई नै आक्रमण गर्न खोज्छन् ।

५ देखि ६ जना किसानले एकै स्थानमा बाली लगाउने र समय बाँढेर आलोपालो गरी बाँदर भगाउने नियम बसालेको उहाँले जानकारी दिनुभयो । उज्यालो नेटवर्कबाट

सम्बन्धित समाचार

Comments are closed

भर्खरै view all

प्रदेश १, बागमती र गण्डकीमा हल्का वर्षा र हिमपातको सम्भावना

सर्वसम्मत नेतृत्व चयनको बाटोमा एमाले-दुई उपाध्यक्ष र दुई उपमहासचिव थप

यसरी हुँदैछ एमालेको १०औं महाधिवेशन

पर्वत कांग्रेस निर्वाचन- जोशी सभापतिमा विजयी

एमाले महाधिवेशनको उद्घाटन सत्रमा मानव समुद्र उर्लिन्छन्ः योगेश भट्टराई