१ सय २० किलोका यी मोडेलले ‘सुन्दरी महिला’को उपाधी जितेर सबैलाई आश्चर्यमा पारिन्
December 13, 2016 | 10:54 pm
काठमाडौं /अर्जेन्टिनामा हालै भएको सौन्दर्य प्रतियोगितामा १ सय २० किलो तौलका एक महिलाले प्रतियोगिताको ताज जितेर सबैलाई आश्चर्यमा पारेकी छिन् ।
प्रतियोगितामा सहभागी एकसेएक स्लिम मोडेलहरुलाई पछाडी पारेर ऐस्टेफेनिया कोरेया ले सौन्दर्य प्रतियोगिताको उपाधी जितेकी हुन् ।
२४ बर्षीया कोरेयाले कार्यक्रममा सहभागी स्लिम युवतीहरु भन्दा कोरेया अब्बल ठहरिएकी थिइन् । कोरेयाले कार्यक्रममा भेदभाव विरोधी भाषण गरेर निर्णायको मन जितेकी थिइन् । उनले कार्यक्रममा ‘क्वीन अफ वेडिमिआ’ नामक उपाधी जितेकी थिइन् ।
अर्जेन्टिनामा अल्कोहलको नाममा मनाउने एक पर्वका अवसरमा उक्त सौन्दर्य प्रतियोगिताको आयोजना गरिएको थियो । यस प्रतियोगितामा मेन्डोजा प्रान्तका १८ क्षेत्रबाट महिलाहरुले सभागागिता जनाएका थिए ।
५ फीट ३ इन्च अग्ली कारेयाले उक्त प्रतियोगिताको लागि एक बर्षसम्म तयारी गरेकी थिइन् । त्यसपछि मात्र उनलाई मोडलिङ प्रतियोगिताको लागि स्वीकृति मिलेको थियो ।
प्रतियोगितामा कुनै भेदभाव नभएको बताउँदै कोरेयाले प्रतियोगितामा सहभागी हुन आफूलाई लुगाकपडा पाउन निकै गाह्रो भएको सुनाइन् । उपाधी जितेपछि निकै खुशी उनले जीवनमा शरीरको सुन्दरता मात्रै सबथोक नभएको बताएकी थिइन् । एजेन्सी
