मेस्सीलाई पछि पार्दै रोनाल्डोले जिते बालोन डी’ओर

रियल मड्रिडका क्रिष्टियानो रोनाल्डोले फ्रान्सेली फुटबल म्यागजिनले प्रदान गर्ने बालोन डी’ओर अवार्ड जितेका छन् । रोनाल्डोले बार्सिलोनाका लियोनल मेस्सीलाई पछि पार्दै बालोना डी’ओर २०१६ अवार्ड जितेका हुन् । पोर्चुगलका रोनाल्डोले योसँगै चार पटक बालोन डी’ओर जितेका छन् । मेस्सीले गएको वर्ष पाँचौं पटक बालोन डी’ओर जितेका थिए । एथ्लेटिको मड्रिडका फ्रान्सेली खेलाडी एन्टोनी ग्रिजम्यान तेस्रो स्थानमा रहे । फ्रान्सेली फुटबलले जुरी तथा विश्वका एक सय ७३ खेल पत्रकारको मतको आधारमा अवार्ड प्रदान गरेको हो । रोनाल्डोले गएको सिजन रियल मड्रिडलाई च्याम्पियन्स लिग तथा पोर्चुगललाई युरोकप २०१६ को उपाधि दिलाउन महत्वपूर्ण भूमिका खेलेका थिए ।

फ्रान्सेली फुटबल म्यागजिनले सन् १९५६ देखि अवार्ड प्रदान गर्दै आएको छ । तर गएको ६ सिजन विश्व फुटबलको प्रशासकीय निकाय फिफासँगको सहकार्यमा फिफा बालाने डी’ओर प्रदान गरिँदै आएको थियो । तर गएको सेप्टेम्बरमा फिफाले म्यागजिनसँगको सहकार्य तोडेपछि म्यागजिन एक्लैले बालोन डी’ओर प्रदान गरेको हो । यस्तै फिफाले पनि आउँदो जनवरी ९ मा वर्ष खेलाडी अवार्ड प्रदान गर्दैछ ।

सम्बन्धित समाचार

Comments are closed

भर्खरै view all

१७ दिनमै देखिइसक्यो देउवाको १७ महिनाको सङ्केत

भारतमा एकै दिन थपिए ४० हजार ७८४ जना कोरोना संक्रमित

फलेबास नगरपालिकाको केन्द्र बिबादमा सर्वोच्च अदालतको अन्तरिम आदेश खारेज , नगरपालिकाले झकलक चौरमा संरचना निर्माण गर्न बाटो खुल्यो

स्थानीय तहको अधिवेशन असोज ९ भित्र सक्न एमालेको निर्देशन

तुइन तार्ने कल्याणसिंह धामी भन्छन्, ‘जयसिंह भेलमा बगेपछि एसएसबीका सुरक्षाकर्मी भागे’