एमालेमा प्रवेश गर्नेहरुको लहर बढ्यो

एमालेमा प्रवेश गर्नेहरुको लहर बढ्यो

  पछिल्लो समय विभिन्न राजनीतिक दल परित्याग गरी नेकपा (एमाले) मा प्रवेश गर्नेहरुको लहर नै चलेको छ । देशका विभिन्न जिल्लामा नेपाली कांग्रेस, माओवादी–केन्द्र, लोकतान्त्रिक फोरमलगायत दलबाट एमालेमा प्रवेश गर्नेहरु बढेका छन् ।

मंसिरको पहिलो हप्ता मात्रै उपेन्द्र यादवले नेतृत्व गरेको संघीय लोकतान्त्रिक फोरमका केन्द्रीय सदस्यहरु वीरेन्द्रबहादुर बोगटी, टोपबहादुर वली, प्रकाश अधिकारी, ओमकृष्ण प्रसाई, राजेन्द्र खनाललगायत ९६ जनाले एमाले प्रवेश गरेका थिए । अहिले एमाले प्रवेश गर्ने लहर जिल्ला–जिल्लासम्म फैलिएको छ ।

यसैबीच, मोहन वैद्य नेतृत्वको नेकपा (क्रान्तिकारी माओवादी) निकट क्रान्तिकारी किसान संघका सिन्धुली जिल्ला उपाध्यक्ष लीला पन्त पनि एमालेमा प्रवेश गरेका छन् । गत शनिबार एक कार्यक्रमबीच पन्तसँगै माओवादी केन्द्रका कमलामाई नगरपालिका वडा नं. १७ का इन्चार्ज गणेश महत, सोही वडाका सदस्य ज्ञानप्रसाद घिमिरे, नेपाली कांग्रेसको सक्रिय कार्यकर्ता मकरबहादुर पाख्रिनलगायत १ सय १३ जना एमालेमा प्रवेश गरेका थिए ।

यसैगरी, माओवादी केन्द्रका कार्यकर्ताहरु एमालेमा प्रवेश गर्ने लहर मकवानपुरमा पनि चलेको छ । केही दिनअघि माओवादी केन्द्रको कुलेखानी गाउँ कमिटीका उपाध्यक्ष हरिकृष्ण पुडासैनीलगायतका कार्यकर्ताहरु एमालेमा प्रवेश गरेका थिए । प्रवेश गरेकाहरुले एमालेले राष्ट्रियताको पक्षमा लिएको अडानप्रति चित्त बुझेर आफूहरु एमालेमा प्रवेश गरेको बताएका थिए ।

सम्बन्धित समाचार

Comments are closed

भर्खरै view all

१७ दिनमै देखिइसक्यो देउवाको १७ महिनाको सङ्केत

भारतमा एकै दिन थपिए ४० हजार ७८४ जना कोरोना संक्रमित

फलेबास नगरपालिकाको केन्द्र बिबादमा सर्वोच्च अदालतको अन्तरिम आदेश खारेज , नगरपालिकाले झकलक चौरमा संरचना निर्माण गर्न बाटो खुल्यो

स्थानीय तहको अधिवेशन असोज ९ भित्र सक्न एमालेको निर्देशन

तुइन तार्ने कल्याणसिंह धामी भन्छन्, ‘जयसिंह भेलमा बगेपछि एसएसबीका सुरक्षाकर्मी भागे’