रामदेबले घोषणा गरे पतञ्जलीको उत्तराधिकारी

नयाँ दिल्ली , २४ मंसिर– पतञ्जली आयुर्वेदका प्रमुख बाबा रामदेवले आफ्नो सबै कारोबारको विरासतका उत्तराधिकारी को हुने भन्ने बारेमा प्रष्ट गरेका छन् ।

शुक्रवार ट्वीट गर्दै बाबा रामदेवले पतञ्जलीका उत्तराधिकारी कुनै व्यापारी नभइकन एक सन्यासी पुरुष वा महिलाले मात्रै रामदेव र आचार्य बालकृष्णको विरासत हस्तान्तरण हुने बताएका हुन् ।

पतञ्जलीको पूरै जिम्मेवारी लिएर बसिरहेका आचार्य बालकृष्णलाई सहयोगीका रुपमा बाबा रामदेवका कान्छा भाई भरत यादव पनि छन् ।

बाबा रामदेवले पतञ्जलीको उत्पादन बढाएर सन २०२० सम्ममा करिब डेढलाख करोड पु–याउने मंगलवार बताएका थिए । मिडियासँगको अन्तर्वार्ताका क्रममा पतञ्जलीको पछिल्लो चारबर्षभित्रमा सयप्रतिशतको बृद्धि भएको बताएका छन् ।

आगामी तीन बर्ष भित्रमा इन हाउस प्रोडक्सनलाई ८० करोडसम्म पु–याउने लक्ष्य राखिएको बताएका छन् । एजेन्सी

– See more at: http://lokaantar.com/samasamayik/227#sthash.4DEORAxW.dpuf