राष्ट्रिय प्रजातन्त्र पार्टीले संविधान संशोधन प्रस्तावमा सघाउन ‘हिन्दू धर्म स्थापना’लाई सर्त बनाउने भएको छ । संसदीय दलको शुक्रबार बसेको बैठकले संशोधन प्रस्ताव परिमार्जन गरी ‘हिन्दू धर्मको स्थापना’ थप्न दबाब दिने निर्णय गरेको हो ।

सत्तामा रहेको राप्रपाले सत्ता गठबन्धन वा प्रतिपक्षी जसले संशोधन प्रस्तावमा ‘हिन्दू धर्म स्थापना’ राख्न साथ दिन्छ, उसैको पक्षमा मतदान गर्ने निर्णय गरेको जानकारी स्रोतले दिएको छ ।

‘संशोधन राखेर भए पनि हिन्दू धर्म स्थापनामा विशेष पहल गर्ने निष्कर्षका साथ गृहकार्य गरिरहेका छौं’, स्रोतले भन्यो । ‘हामी सत्तापक्ष भए पनि संशोधन प्रस्तावमा हाम्रो रिजर्भेसन छ । यो प्रस्तावमा अपनत्व स्वीकादैनौं’, संसदीय दलका नेता कमल थापालाई उदृत गर्दै एक नेताले भने, ‘जसले हिन्दू धर्मका लागि आफ्नो पार्टीले राखेको प्रस्ताव स्वीकार्छ, त्यसैको पक्षमा मतदान गर्नेछौं ।’

अन्नपूर्ण पोष्टबाट