एक तिहाई सांसदद्वारा संविधान संशोधनविरुद्ध वक्तव्य जारी गर्ने तयारी, सदनमा पेसै नभई प्रस्ताव फिर्ता गर्न दवाव

samsad-parliamentसंविधान संशोधनका लागि आवश्यक पर्ने दुई तिहाई मत सुनिश्चित नगरी सरकारले संसद्मा दर्ता गराएको प्रस्ताव उसैका लागि गलपासो बन्ने भएको छ । प्रमुख प्रतिपक्षी नेकपा (एमाले) को नेतृत्वमा एक तिहाईभन्दा बढी सांसदले संयुक्त वक्तव्य निकाली प्रस्ताव फिर्ता लिन आग्रह गर्ने तयारी गरेका छन् ।

संसद्मा प्रस्ताव नै पेस हुन नदिने अडानमा रहेको एमालेले प्रस्तावका विपक्षमा एक तिहाईभन्दा बढी सांसदको समर्थन जुटाएको छ । प्रमुख सचेतक भानभक्त ढकालका अनुसार, अहिले उक्त प्रस्तावका विरुद्धमा आवश्यकभन्दा बढी सांसदको स्पष्ट समर्थन छ । उनले भने, ‘हामीले त्यही भएर प्रस्ताव फिर्ता लैजान आग्रह गरिरहेका छौँ । वास्तविकता थाहा पाएर पनि सरकारले बिनाकारण मुलुकलाई अनिर्णयको बन्दी बनाइरहेको छ ।’

प्रस्ताव पारित गर्न नदिनका लागि प्रस्ट मत भएका कारण दुई सयभन्दा बढी सांसदको हस्ताक्षरसहित आइतबारसम्म वक्तव्य निकाल्ने गरी हस्ताक्षर संकलन सुरु गरिएको थाहा भएको छ । एमाले, जनमोर्चा, माले, नेमकिपा, परिवार दल, जनमुक्ति पार्टी, नेपाः पार्टी र मधेस समता पार्टी गरी दुई सय सांसद छन् । अहिले ५ सय ९४ मत छ । संशोधन पारित गर्न त्यसको दुई तिहाई अर्थात् ३ सय ९६ मत आवश्यक पर्दछ । विपक्षमा २ सय मत देखिएपछि सत्तापक्षले दुई तिहाई मत पु¥याउन नसक्ने निश्चित त छँदैछ, मधेसी मोर्चा र राप्रपाले समेत प्रस्तावका पक्षमा निर्णय नगरेकाले सामान्य बहुमत पु¥याउन पनि हम्मेहम्मे देखिन्छ ।

विपक्षमा को–को ?

नेकपा (एमाले)– १८२

नेकपा (माले)– ५

नेमकिपा– ४

राष्ट्रिय जनमोर्चा– ३

नेपाल परिवार दल– २

राष्ट्रिय जनमुक्ति पार्टी– २

नेपाः पार्टी– १

मधेश समता पार्टी– १

जम्मा– २००

सम्बन्धित समाचार

Comments are closed

भर्खरै view all

१७ दिनमै देखिइसक्यो देउवाको १७ महिनाको सङ्केत

भारतमा एकै दिन थपिए ४० हजार ७८४ जना कोरोना संक्रमित

फलेबास नगरपालिकाको केन्द्र बिबादमा सर्वोच्च अदालतको अन्तरिम आदेश खारेज , नगरपालिकाले झकलक चौरमा संरचना निर्माण गर्न बाटो खुल्यो

स्थानीय तहको अधिवेशन असोज ९ भित्र सक्न एमालेको निर्देशन

तुइन तार्ने कल्याणसिंह धामी भन्छन्, ‘जयसिंह भेलमा बगेपछि एसएसबीका सुरक्षाकर्मी भागे’