संघीय फोरमका केन्द्रीय सदस्यहरू एमालेमा प्रवेश गर्दै

kp-oli-upendra-yadavकाठमाडौं, २३ मंसिर । संघीय समाजवादी फोरमका ९ जना असन्तुष्ट केन्द्रीय सदस्यहरू आज एमालेमा प्रवेश गर्दैछन् ।

काठमाडौंको धुम्बाराहीस्थित पार्टी मुख्यालयमा मध्यान्ह १२ बजे हुने विशेष कार्यक्रममा एमालेका अध्यक्ष केपी ओलीले संघीय फोरमका नौ केन्द्रीय सदस्यहरूलाई सदस्यता दिइ पार्टी प्रवेश गराउने छन् ।

एमालेको केन्द्रीय कार्यालयका सचिवालय सचिव कृष्णगोपाल श्रेष्ठका अनुसार अध्यक्ष ओलीले संघीय समाजवादी फोरम छाडेर आएका केन्द्रीय सदस्यहरूलाई एमालेमा प्रवेश गराउने कार्यक्रम रहेको जानकारी दिए ।

संघीय फोरमको पार्टी नेतृत्वसँग सैद्धान्तिक मतभेद भएको भन्दै नौ जना नेताले पार्टी परित्याग गरेपछि फोरम संकटमा परेको छ । संघीय फोरम छाड्नेमा पाँच जना केन्द्रीय सदस्य र चारजना वैकल्पिक केन्द्रीय सदस्यहरू छन् ।

एमाले प्रवेश गर्न लागेका संघीय फोरमका केन्द्रीय सदस्यहरू वीरेन्द्रबहादुर बोगटी, मानबहादुर धामी, बलवीर नेपाली, ओमकृष्ण प्रसाई तथा वैकल्पिक केन्द्रीय सदस्यहरू हेमन्त मान्डव्य, राजेन्द्र खनाल, प्रकाश अधिकारी, शंकर रोकामगर, टोपबहादुर ओलीलगायत रहेको स्रोतले जनाएको छ ।

 

सम्बन्धित समाचार

Comments are closed

भर्खरै view all

सुन जस्तै धातु देखाएर ठग्‍ने सात जना पक्राउ

मोदीका आरन व्यवसायीलाई आधुनिक औजार

‘ओली सरकारले खोप ल्यायो, देउवाले व्यवस्थापन गर्न सकेनन्’

बजेट अभावले धवलागिरि अस्पतालको एनआइसीयू अलपत्र

सरकार गठनका दुई साता -न मन्त्रिपरिषद् विस्तार, न न्यूनतम साझा कार्यक्रम