पाकिस्तान एयरलाइन्सको विमान दुर्घटना

काठमाडौं । पाकिस्तान एयरलाइन्सको विमान अबोदाबादको ह्याभिलिन सिटीमा दुर्घटनाग्रस्त भएको छ । ४२ यात्रु र ५ जना चालक दलका सदस्य बोकेको पीके–६६१ कल साइन रहेको विमान दुर्घटनामा परेको  ‘पाकिस्तान इन्टरनेशनल एयरलाइन्स पब्लिक अफेयर्स डिभिजन’ लाई उद्धृत गर्दै पाकिस्तानी सञ्चार माध्यम डेली पाकिस्तानले जनाएको छ ।
बीबीसीले पनि उक्त जहाज दुर्घटनामा परेको जनाएको छ । पाकिस्तानको चित्रालबाट साढे ३ बजे उडान भरेको जहाज इस्लामावादस्थित बेनजिर भुट्टो अन्तर्राष्ट्रिय विमानस्थलमा ४ः४० बजे पुग्नुपर्ने थियो
पाकिस्तानी एयरलायन्सका अधिकारी दान्याल गिलानीले ट्वीटरमा पाकिस्तानी एयरक्राफ्ट हराइरहेको र कन्ट्रोल टावरसँग सम्बन्ध विच्छेद रहेको उल्लेख गरेका छन् ।