पर्वतमा दुई राप्रपा एक भए , अध्यक्षमा भुसाल
पर्वत/राष्ट्रिय प्रजातन्त्र पार्टीका दुई घटकका बिच पर्वतमा एकता सम्पन्न भएको छ ।
राष्ट्रिय प्रजातन्त्र पार्टी र राष्ट्रिय प्रजातन्त्र पार्टी नेपाल बिच आइतबार पार्टी एकता भएको हो । एकिकृत राप्रपाको अध्यक्षमा ठाकुर भुसाल सर्बसम्मत रुपमा चयन भएका छन ।
दुई पार्टी बिच एकता हुने क्रममा पुरानो राप्रपाका अध्यक्ष रणबहादुर क्षेत्री पार्टी नेता तथा जिल्ला संयोजक तथा पुरानो राप्रपा नेपालका अध्यक्ष ठाकुरप्रसाद भुसाल पार्टी अध्यक्ष भएका हुन । 
यसैगरी एकिकृत पार्टीको सहअध्यक्षमा इश्वर गिरी, उपाध्यक्षम प्रकाश पौडेल, सचिबमा दुर्गाप्रसाद श्रेष्ठ र कोषाध्यक्षमा अशोक गुरुङ्ग चयन भएका छन । यस्तै प्रबक्तामा ठाकुरबम मल्ल चयन भएका छन । 
यसअघि भएको एकता भेलामा राप्रपाका केन्द्रिय सदस्य तथा पुर्ब राज्यमन्त्री भिमप्रसाद गौचन, केन्द्रिय सदस्यहरु कुलबहादुर गुरुङ्ग, दिलप्रकास कंडेल, इच्छाबहादुर गुरुङ्ग, दिपक कुवँर, तिलक रिजाल लगायतले शुभकामना मन्तब्य ब्यक्त गरेका थिए । मन्तब्यका क्रममा नेताहरुले राप्रपालाई मुलुकको तेस्रो शक्तिको रुपमा स्थापित गर्ने उद्घोष गरे । उनीहरुले अब हिन्दु राष्ट्र र सम्बैधानिक राजतन्त्रको मुद्दा चर्को रुपमा उठ्ने दाबी गरे ।
