इजरायलबाट गाउँ फर्केर कृषि र्फम सञ्चालन गर्दै केसी

tarkari-form-ramjaपर्वत /रोजगारीका निम्ति ६ वर्षसम्म इजरायलमा बसेर फर्किएका राम्जाका युवाले आफ्नै पहलमा कृषि फार्म संचालन गरेका छन ।
बिदेशमा विदेशमा सिकेको सिप गाउँमै प्रयोग गरेर स्थानियवासीलाई आत्मनिर्भर बनाउने उद्धेश्यले पर्वत जिल्लाको राम्जादेउराली गाविस–९ का रमेश केसीले आफ्नै पहलमा गाउँमै कृषि फार्म खोलेका हुन ।
विगत एक वर्ष अघि १० लाख रुपैयाको लागतमा १५ रोपनी क्षेत्रफलमा कृषक फार्म संचालनमा ल्याइको हो । स्थानिय २० जना कृषकहरु सहभागि सक्रिय कृषक समुह गठन गरे गाउँमै पहिलोपटक उक्त फार्म संचालनमा आएको अध्यक्ष रमेश केसीले जानकारी दिए । उनका अनुसार अहिले फार्ममा गोलभेडा, केराउ, काउली बन्दा, लगायत मौसमि तथा बेमौसमी तरकारीहरु लगाईएको छ । २२ वटा टनेलमा मात्र गोलभेडा खेती गरिएको छ । यो जिल्लाकै सवैभन्दा बढी मात्रामा गोलभेडा खेती भएको अध्यक्ष केसीले दावी गरेका छन् । त्यस्तै ६ रोपनी क्षेत्रफलमा केराउ, ५ रोपनी क्षेत्रफलमा काउली, बन्दा तथा अन्य क्षेत्रफलमा साग, खुर्सानी, मुला, लगायत अन्य जातका तरकारीहरु लगाइएको छ ।
बाबुबाजेले खेतीपाती गर्दै आएको जग्गा जमिन क्रमश बाँझो पल्टिन थालेपछि आफुले स्वदेश फर्किएर आफ्नै पहलमा तरकारी फार्म शुरु गरेको केसीले बताए । अहिले फार्मममा स्थानिय हिमा गिरी, विन्दु केसी, ताराबहादुर गुरुङ लगायत क्रियाशिल रहेका छन् । गाउँमै अर्गानिक तरकारी फार्म संचालन भएपछि उक्त फार्ममा उत्पादित तरकारीहरु केहि मात्रमा स्थानिस्तरमै र बाँकी रहेको तरकारी डिमुवा, पातीचौर, सदरमुकाम कुश्माबजार लगायतका क्षेत्रमा बिक्रि हुने गरेको छ । 15293233_947233952076505_1998713625_o
फार्ममा गरेको लगानी पहिलो वर्षमै उठिसकेको छ उनले भने फार्मको क्षेत्रफल र लगानी बढाएर अझै बढि उत्पादन गर्ने योजना अघि सारेका छौ । उक्त फार्मको क्षेत्रफल विस्तार गरि २० रोपनी पु¥याईने भएको छ । यस वर्ष थप पाँच रोपनी जग्गामा पनि गोलभेडा र अन्य तरकारी खेती हुने भएको छ । समुद्री सतहदेखि झण्डै २ हजार फिटको उचाईमा रहेको उक्त स्थानमा बमौसमि तरकारीहरु पनि सजिलै उत्पादन लिने सकिने र गण्ुास्तरीय पनि हुने भएकाले बजारमा सजिलै विक्रि हुने गरेको छ ।
इजरायलमा सिकेको सिप गाउँमै लगाएर बार्षिक रुपमा लाखौ रुपया आम्दानी गर्न सफल हुँदा छुट्टै खालको आनन्द र सन्तुष्टि मिलेको उनले बताएका छन् । आफु मात्र नभई समुहमा आवद्ध ३० जना कृषकहरुनै फार्मको कमाईबाट सन्तुष्ट बनेको केसीले बताएका छन् । पहिलो वर्षमै फार्ममा गरिएको लगानी उठिसकेको र आगामी वर्षदेखि २० देखि २५ लाख रुपैया सम्म आम्दानी गर्ने लक्ष्य रहेको छ ।
सिंचाईको अभावका कारण सोेचेजति उत्पादन लिन सकिएको छैन उनले भने प्लाष्टीक पोखरी र अन्य सुविधाका लागि जिल्ला कृषि विकास कार्यालयसँग माग गरेका छौ । सिंचाईको सहज सुविधा भएमा सोचेभन्दा पनि बढि कमाई हुने केसीको तर्क रहेको छ । उनले भने बाँझो रहेको जग्गामा प्रसस्त कमाई हुन थालेपछि गाउँका युवाहरु पनि विदेश मोह त्यागेर कृषि फार्म संचालनका लागि जुट्न थालेका छन् ।

सम्बन्धित समाचार

Comments are closed

भर्खरै view all

पोखरा—बाग्लुङ राजमार्गको याम्दीमा यातायात बन्द गरेर काम गरिने, यी हुन सवारी चलाउने बैकल्पिक रुट

जलजलाका विद्यालयमा स्वास्थ्यकर्मीले पनि कक्षा शिक्षण गर्ने

नर्सलाई न्यूनतम तलब नदिने अस्पताललाई कारबाही गर्ने चेतावनी

पोखरामा अर्को अात्मदाह प्रयास, बचाउन गएकी महिला घाइते ईते

नागरिकता मुद्दामा रवि लामिछाने दोषी ठहर, उपप्रधानमन्त्री र सांसद पद पनि खारेज