वैवाहिक जीवन सफल बनाउन शयनकक्ष वास्तु अनुसार यसरी मिलाउनुस्
काठमाडौं, १४ मंसिर– बेडरुम घरको मुख्यकोठाका रुपमा मानिन्छ । यसैले बेडरुम अनेक तरिकाले सजाइएका हुन्छन् । बेडरुमको सफासुग्घुरमा राख्नुको साथै बेडरुममा सजाइएका वा राखिएका सामानहरु वास्तु अनुसार उपयुक्त ठाउँमा भएको नभएको पनि ख्याल राख्नुपर्छ । यसको ध्यान नदिँदा वैवाहिक जीवन तनावपूर्ण पनि हुनसक्छ ।
थाहापाउनुस् यी १० बेडरुम सेक्रेट जसले तपाइँको वैवाहिक जीवन सुखीमय बनाउँछ ।
घरको मुलढोकाबाट भित्र जाने बितिक्कै बेडरुम नबनाउनुस् । चिनीयाँ फेन्गसुइ शास्त्रका अनुसार शयनकक्ष यदि घर भित्र पस्ने बितिक्कै छ भने पनि जालीदार पर्दा वा पार्टेशन गरेर कोठालाई मिलाउनुपर्छ । यसोगर्दा अदालती झन्झट वा मानसिक तनावबाट पनि छुटकारा मिल्ने विश्वास छ ।
सुत्दा टाउको पर्ने ठाउँको सीधा ऐना वा ड्रेसिङ टेबुल राख्नुहुँदैन । मानिसहरु अक्सर निन्द्रामा आफ्नै छायाँ देखेर पनि तर्सिनसक्छन् ।
सुत्नेकोठामा पानीको चित्र वा माछा सहितको एक्वारियम राख्ने गर्नुहुँदैन् ।
बेडको ठीक माथि कुनै बत्ति वा पंखा अथवा इलेक्ट्रिकल सामाग्री राख्नुहुँदैन यसले पाचनशक्तिलाई कमजोर बनाउँछ ।
सुत्दाखेरि सिरानीको मुनि वा त्यसको माथि घडी झुण्ड्याउनु हुँदैन ।
बेडको तन्ना र टकिया सादा कलरको हुनुपर्छ ।
बेड नजिकै हिटर वा तातोदिने इलेक्ट्रिकल सामान राख्नुहुँदैन ।
सुत्नेकोठामा कुनै धार्मिक मन्दिर वा आफ्ना पूर्खाहरुको तस्वीर राख्नुहुँदैन ।
शयनकक्षमा लडाइँ, भद्दा देखिने तस्वीरहरु र तर्साउने तस्वीर भित्तामा राख्नुहुँदैन ।
सुत्दाखेरि सिरानी दक्षिणतिर र खुट्टा उत्तरतिर पारेर सुत्नुपर्छ । अनिन्द्रा र लामोआयुको लागि वास्तुअनुसार यसरी सुत्नु उपयुक्त मानिन्छ । एजेन्सी
