नेकपा एमालेका सचिव एवं प्रचार विभाग प्रमुख योगेश भट्टराईले उठाए काश्मिर मुद्दा

indain-journalist नेकपा एमालेका सचिव एवं प्रचार विभाग प्रमुख योगेश भट्टराईले भारतले नेपालको सार्वभौमिकताको सम्मान गर्नुपर्ने बताएका छन् ।

आइतबार राष्ट्रिय सभागृहमा भारतीय पत्रकारको जम्बो टोली सहभागी ‘भारत–नेपालमैत्री सम्बन्ध र मिडियाको भूमिका’ विषयक अन्तर्राष्ट्रिय सम्मेलनलाई सम्बोधन गर्दै भट्टराईले नेपालको आन्तरिक मामिलामा भारतले बोल्न नमिल्ने बताए ।

‘भारतमा पनि आन्तरिक समस्या छन् । काश्मिरको विवाद अहिलेसम्म चलिनैरहेको छ । नेपालका आन्तरिक समस्याहरु छन् । मधेसको समस्या छ,’ उनले भने- ‘तर, यसो भन्दै नेपालले भारतको काश्मिर मामिलामा बोल्नुहुँदैन् र भारतले पनि नेपालको मधेस लगायतका आन्तरिक मामिलामा चाँसो राख्नुहुँदैन् ।’

भट्टराईले नेपालको संविधान विश्वमै समावेशी भएको दाबी गर्दै कुनै समुदायलाई उचालेर छिमेकी देशको संविधानमा अनावश्यक चाँसो र दबाब दिनु गलत भएको बताए । ‘भारतको आन्तरिक मामिलामा नेपालले र नेपालको पनि आन्तरिक मामिलामा भारतले बोल्न मिल्दैन । अहिले भारतका तर्फबाट नेपालका केही समुदायलाई उचाल्ने काम भएको छ । यो गलत छ । भारतीय मिडियाकर्मीले यसका ध्यान दिनुहोला ।’

अन्तर्राष्ट्रिय सम्मेलनको आयोजना नेपालको त्रिभुवन विश्वविद्यालय आमसञ्चार तथा पत्रकारिता विभाग र भारतको नेशनल मिडिया फाउन्डेसनले गरेको थियो ।

सम्बन्धित समाचार

Comments are closed

भर्खरै view all

पर्वतको कुस्मा नगरपालिकामा अनेरास्ववियुको संगठन विस्तार र सदस्यता वितरण अभियान

बैतडीमा जिप दुर्घटना : नवविवाहित दम्पतीसहित चार जनाको मृत्यु

एमालेको जनलहर देखेर काँग्रेस माओवादी अत्तालिएका छन् : योगेश भट्टराई

नेपालमा पनि ओमिक्रोन भेरियन्टको सङ्क्रमण पुष्टि

कांग्रेस गण्डकीमा पौडेल पक्षको बर्चस्व- सम्पूर्ण कार्यसमिति सदस्य( नामावली सहित)