तरुणदलको नेतृत्व सर्वसम्मत चयन, पर्वतका बिद्वान गुरुङ्ग कोषाध्यक्ष
नेपाली कांग्रेसको भातृसंस्था नेपाल तरुण दलको नेतृत्व सर्वसम्मत रुपमा चयन भएको छ। पोखरामा आयोजित तरुण दलको चौंथो महाधिवेशनबाट जीतजंग बस्नेत अध्यक्ष चुनिएका छन् । सर्वसम्मत नेतृत्व चयन हुने क्रममा पर्वतका कांग्रेसका युवा नेता बिद्वान गुरुङ्ग कोषाध्यक्षमा निर्बीरोध निर्वाचित भएका छन ।
सर्बसम्मत चयन भएको नेतृत्वमा उपाध्यक्षमा उत्तमकुमार चापागाईं, महासचिवमा भुपेन्द्रजंग शाही रहेका छन । अध्यक्ष बस्नेत शेरबहादुर देउवा पक्षका, चापागाईं कृष्णप्रसाद सिटौला पक्षका र शाही रामचन्द्र पौडेल पक्षका हुन् ।
कोषाध्यक्ष गुरुङ्ग पर्वतका कांग्रेसका युवा नेता हुन । नेपाल तरुण दलका जिल्ला अध्यक्ष तथा नेपाली कांग्रेसका महाधिबेशन प्रतिनिधी समेत हुन । देउवा समुहबाट अध्यक्षको समेत दाबी गर्दै आएका गुरुङ्ग कोषाध्यक्षमा सर्वसम्मत भएका छन । उनी पर्वत जेसिज, पर्वत यातयात ब्याबसायी समिति तथा लायन्स क्लबहरुमा समेत सक्रिय छन ।
