पर्वतमा स्थानिय तह टुंगोमा पुग्न सकेन, सहमति अनिश्चित

pradarshan-1पर्वत/स्थानीय तह पुनर्संरचनासम्वन्धी आयोगले जिल्लाबाट स्थानीय तहको संख्या सिफारिस गर्ने अन्तिम मिति सकिएपनि पर्वतमा भने सिफारिस अनिश्चित बनेको छ ।
जिल्ला प्राबिधीक समिति पर्वतको आयोजनामा आइतबार देखि शुरु भएको छलफल दलहरुका बिचमा सहमति कायम हुन नसकेपछि स्थानिय तह सिफारिस अनिश्चित बनेको हो ।
स्थानिय तह निर्धारण गरि सिफारिस गर्न जिल्लाबाट ब्यबस्थापिका संसदमा प्रतिनिधित्व गर्ने जनप्रतिनिधी सहितको निर्णायक छलफल शुरु भएपनि संख्याको बिषयमा सहमति कायम हुन नसकेपछि छलफल बिना निष्कर्ष टुंगिएको हो । छलफलमा जनप्रतिनिधी सहित राजनैतिक दलका प्रमुख, प्रतिनिधी तथा प्राबिधीक समितिका सदस्यहरु सहभागि छन ।
लामो समय बिति सक्दा पनि निर्णय हुन नसकेपछि ब्यबस्थापिका संसदका सदस्यहरु अर्जुनप्रसाद जोशी, बिकास लम्साल र कल्पना चापागाईको उपस्थितिमा टुंगोमा पुग्ने भन्दै आइतबार देखि छलफल शुरु भएको । छलफल समितिका एक सदस्यका अनुसार निर्णयक छलफल भनिएपनि दलहरु र ब्यबस्थापिका संसदका सदस्यहरुका बिचमा समेत संख्या र भूगोलका बिचमा मतभिन्नता देखिएको छ। नेपाली कांग्रेसले आयोगले तोके अनुसार ७ प्रदेश टुंग्याउने कुरामा बिमती राखेको साथै एमाले लगायतका दलले आर्थर, खौला र ठुलीपोखरीलाई नगरपालिका राख्ने कुरामा बढी अडान लिएपछि सहमति हुन नसकेको जानकारी दिए । अब बैठक कहिले बस्ने भन्ने अनिश्चित भएपनि मंगलबार सहमति खोज्ने संभावना रहेको नेकपा एमालेका अध्यक्ष पदम गिरीले जानकारी दिए ।
दिनभर उद्योग बाणिज्य संघको बैठक कक्षमा भएको छलफलमा क्षेत्र नं २ मा फलेबास नगरपालिका र बाँकी ३ वटा गाउँ पालिका बनाउने बिषयमा छलफल भएको थियो । उक्त प्रस्ताबमा समेत सहमति कायम हुन सकेन । क्षेत्र न० १ मा कुस्मा कुस्मा नगरपालिका बाहेक दुई गाउँ पालिका बनाउने बिषयमा भने सबै दलका बिचमा सहमति छ । आर्थर, खौला र ठुलीपोखरी कुस्मा नगरपालिकामा मिलाउँदै ती गाबिसको ठुलो भूभागलाई अपायक पर्ने भएकाले आर्थर, खौला, ठुलीपोखरी सहित त्यस क्षेत्रका अन्य ८ गाबिस मिलाएर एउटा गाउँ पालिका बनाउने बिषयमा समेत तीब्र दबाब कायम रहँदा दलका नेता र जनप्रतिनिधी समेत एउटा निष्र्कषमा पुग्न सकेनन । पर्वतमा स्थानिय तह पुनसंरचना आयोगले घटीमा ४ र बढीमा ७ वटा स्थानिय तह निर्धारण गरि पठाउन निर्देशन दिएको छ । तर पर्वत जिल्लामा सामाथ्र्यका हिसाबले ४ वटा र भूगोल तथा स्थानिय जनताको सुबिधाका हिसाबले ८ वटा स्थानिय निकाय सिफारिस गर्न चौतर्फी दबाब बढेको छ। क्षेत्र नं २ मा लुंखु देखि दक्षिण बर्राचौर सम्मको एउटा गाउँपालिका तथा कार्किनेटा देखि बाँच्छा सम्मको एउटा नगरपालिका तथा क्षेत्र न) १ मा अहिले रहेको कुस्मा नगरपालिकाको भूगोल समेतलाई पुर्नसंरचना गर्दै दुई नगरपालिका बनाउन सुझाब दिइएको छ । बढीमा आठ वटा बनाउँदा अहिले कुस्मा नगरपालिकामा रहेका वडा नं १५, १६ र १७ लाई अलग बनाउँदै ८ वटा स्थानिय तह बनाउनुपर्ने सुझाब समेत आएको छ। यसरी स्थानिय पुर्नसंरचना गर्दा हम्पाल, मोदी गाउँपालिका, कुस्मा नगरपालिका, पञ्चासे डहरे गाउँपालिका, फलेबास गाउँपालिका, महासिला गाउँपालिका, पैञ्यु गाउँपालिका र कालीगण्डकी गाउँपालिका बनाउनुपर्ने सुझाब दिइएको छ।

सम्बन्धित समाचार

Comments are closed

भर्खरै view all

पोखरा—बाग्लुङ राजमार्गको याम्दीमा यातायात बन्द गरेर काम गरिने, यी हुन सवारी चलाउने बैकल्पिक रुट

जलजलाका विद्यालयमा स्वास्थ्यकर्मीले पनि कक्षा शिक्षण गर्ने

नर्सलाई न्यूनतम तलब नदिने अस्पताललाई कारबाही गर्ने चेतावनी

पोखरामा अर्को अात्मदाह प्रयास, बचाउन गएकी महिला घाइते ईते

नागरिकता मुद्दामा रवि लामिछाने दोषी ठहर, उपप्रधानमन्त्री र सांसद पद पनि खारेज