नेपालको पहिलो एनिमेशन चलचित्र लण्डनमा प्रदर्शन

londan-5822b8e124c4f0-03994031नेपालको पहिलो एनिमेशन चलचित्र ‘शंखघरको कथा’ (द लेजेण्ड अफ शंखधर) को प्रदर्शन लण्डनबाट सुरु भएको छ ।

११ सय वर्ष पहिलेको प्रचीन नेपालको ऐतिहासिक पृष्ठभूमिमा तयार पारिएको यो चलचित्रको कथामा नेपालका विभूति शंखधर शाख्वाले कसरी नेपाल संवतको सुरुवात गरे भन्ने कुरा उल्लेख गरिएको छ । त्यस्तै भक्तपुर र काठमाडौंबीचको ऐतिहासिक सामाजिक सम्बन्ध र भूकम्पले पुर्‌याएको क्षति पछिको उपत्यका लगायतका विषय उल्लेख गरिएको छ ।

नेपाल संवत ११३७ को उपलक्ष्यमा लण्डनको ग्रीनफोर्ड टाउन हलमा प्रवासी नेपाली समुदायमाझमात्र प्रिमियर शो गरिएको थियो ।

यन्त्रकला स्टुडियोको व्यानरमा बनेको यस चलचित्रका लेखक तथा निर्देशक संयुक्त श्रेष्ठ हुन् । एनिमेसन टोलीमा श्रेष्ठसँगै अञ्जना श्रेष्ठ र नियुक्त श्रेष्ठ छन् भने उनीहरुको टोलीलाई विज्ञान प्रजापति र प्रंजल कक्षपतिले सहयोग गरेका छन् ।
नेपाली संस्कृती र सम्पदा झल्काउने उद्देश्यका साथ निर्माण गरिएको चलचित्रमा मौलिक नेपाली कलाकारिता र कार्यशैली अपनाइएको छ ।

यो चलचित्र पासा पुचः गुठि युके र नेवाः अर्गनाइजेशन अफ अमेरिकाको अगुवाईमा आगामी डिसेम्बर ११ मा प्रदर्शन गरिनेछ ।

त्यस्तै १७ डिसेम्बरमा ग्वाहालि नामक संस्थाको अगुवाईमा नेपालमा र गुठि अस्ट्रेलियाको अगुवाईमा फेब्रुवरीमा प्रदर्शन गरिनेछ । त्यस्तै मिडल इष्ट तथा विभिन्न युरोपका सहरहरुमा पनि चलचित्र प्रदर्शन गर्ने तयारी गरिएको छ ।

सम्बन्धित समाचार

Comments are closed

भर्खरै view all

स्थानीय विकासमा संघ र प्रदेशको हस्तक्षेप आरोप

दुई शिशुसहित आमाको शव पोखरीमा फेला, बाबु बेपत्ता

चारवटा प्रदेशमा ठूलो वर्षाको सम्भावना

निषेधाज्ञामा पर्वतका बिद्यालयमा पठनपाठन -सदरमुकाममा अनलाइनबाट शैक्षिक सत्र सुरु, गाउँका विद्यालयमा अन्योल

खोप लगाइसकेपछि पनि यी ५ लक्षण देखिए कोरोना संक्रमण हुनसक्छ, यी हुन् बच्ने विधि