नेपालमा घोडा र गधाको मासु भित्रिने गरेको खुलासा
नेपालमा घोडा र गधाको मासु आयात हुँदै आएको छ । पछिल्लो केही वर्षदेखि नेपालमा भोडा र गधासँगै खच्चरको मासु आयत हुन थालेको समाचार आजको अन्नपूर्णपोष्टमा प्रकाशित भएको छ।
नेपालमा मुख्य गरी चीन, बेलायत र फ्रान्सबाट यस्ता जनावरको मासु आयात हुँदै आएको छ ।
राँगा, खसी, भेडा, कुखुरा, सुँगुर र बंगुरबाहेक गिनी, थिज, डल्फिनको मासु पनि आयात हुन्छ।
भन्सार विभागको तथ्यांकअनुसार आर्थिक वर्ष २०७२र७३मा फ्रान्सबाट तीन लाख ९६ हजार आठ सय ६९ मूल्य बराबरको १ सय ३५ किलो घोडा, गधा र खच्चरको मासु आयात भएको थियो ।
यस्तै अघिल्लो वर्षमा बेलायतबाट तीन हजार नौ सय ६७ मूल्यबराबरको ६ किलो यस्ता मासु आयात भएको थियो । यसैगरी आर्थिक वर्ष २०६८र६९ मा चीनबाट २ हजार ९ सय २५ मूल्य बराबरको घोडा, गधा र खच्चडको २५ किलो मासु आयात भएको थियो।
नेपालमा आयत हुने यस्ता मासु पाँचतारे होटल, ठूला रेष्टुरेन्ट, कुटनीतिक नियोग र विभिन्न मुलुकबाट पार्यटकका रुपमा आउने पाहुनाले उपभोग गर्दै आएका छन् ।
तथ्यांकअनुसार नेपालीले घरमै बसेर १७ वटा मुलुकबाट आयातित मासु उपभोग गर्दै आएका छन् ।
