संघीय गठबन्धनको बैठकमा मधेसी नेताहरुले केपी ओलीको प्रशंसा गरे

KP Oli Gorkhalinews

काठमाडौं, १२ कात्तिक । संघीय गठबन्धनको बैठकमा नेकपा एमालेका अध्यक्ष एवं पूर्व प्रधानमन्त्री केपी शर्मा ओलीको प्रशंसा भएको छ ।

विहीबार राजधानीको तीनकुनेमा बसेको संघीय गठबन्धनको केन्द्रीय बैठकले अख्तियार प्रमुख लोकमानसिंह कार्कीमाथिको महाअभियोग प्रस्तावबारे कुनै निर्णय नगरेपनि ओली र प्रधानमन्त्री प्रचण्डबीच तुलना गरेको खुल्न आएको छ ।

बैठकमा सहभागी एक नेताका अनुसार मधेसी मोर्चामा आवद्ध दलका नेताहरुले केपी ओलीलाई आफूलाई जे लागेको छ, त्यो बोल्ने स्पष्टवादी नेताको रुपमा प्रशंसा गरे । त्यस्तै प्रधानमन्त्री प्रचण्डलाई बोलीमा कुनै ठेगान नभएको र ढाँट्दै हिडेको आरोप लगाए ।

संघीय गठबन्धनका संयोजक उपेन्द्र यादवले बैठकमा प्रचण्डको बोलीमा कुनै ठेगान नभएको बताउँदै भित्र हुन्छ भन्ने तर, पछाडिबाट छुरा रोप्ने जस्तै प्रवृत्ति देखिएको आरोप लगाए । ‘विरोधी नै भएपनि ओली आफूलाई लागेको कुरा प्रष्ट भन्थे । तर, प्रचण्ड बोली फेर्दै ठाट्दै हिडेका छन्,’ उपेन्द्रको भनाई उद्धृत गर्दै ती नेताले भने ।

अर्का नेता वृषेशचन्द्र लालले पनि छिनछिनमा बोली फेर्ने भन्दै प्रधानमन्त्री प्रचण्डको आलोचना गरे ।

बैठकमा सरकारलाई समर्थन गर्दा भएका सहमतिहरु अहिलेसम्म कार्यान्वयन नभएको भन्दै टठसम्म पर्खिने र त्यसपछि माग सम्बोधन नभए आन्दोलनको विकल्प नरहेको निष्कर्ष निकालिएको छ ।

सम्बन्धित समाचार

Comments are closed

भर्खरै view all

पोखरा—बाग्लुङ राजमार्गको याम्दीमा यातायात बन्द गरेर काम गरिने, यी हुन सवारी चलाउने बैकल्पिक रुट

जलजलाका विद्यालयमा स्वास्थ्यकर्मीले पनि कक्षा शिक्षण गर्ने

नर्सलाई न्यूनतम तलब नदिने अस्पताललाई कारबाही गर्ने चेतावनी

पोखरामा अर्को अात्मदाह प्रयास, बचाउन गएकी महिला घाइते ईते

नागरिकता मुद्दामा रवि लामिछाने दोषी ठहर, उपप्रधानमन्त्री र सांसद पद पनि खारेज