मालढुंगा–बेनी सडकमा युरोपियन मापदण्ड सहितको पेट्रोलपम्प

petrol-pump

पर्वत /पर्वतको मालढुंगादेखि हिमालपारीको जिल्ला मुस्ताङ जोड्ने एकमात्र बेनी मालढुंगा सडकमा अत्याधुनिक प्रविधिको पेट्रोल पम्प संचालनमा आएको छ ।
मुस्ताङ्ग तथा मानसरोबर पुग्ने सडकमा बढ्दो सवारी साधनको चापलाई मध्यनजर गर्दै २ करोड भन्दा बढिको लागतमा अत्याधुनिक सुबिधा सहितको जय सिद्धेश्वरी टे«डलिंक प्रालि सञ्चालनमा आएको हो ।
पर्वतको नाङलीवाङ गाविस–९ स्थित फर्सेमा संचालनमा आएको उक्त पेट्रोल पम्प आधुनिक प्रविधिको रहेको छ । ‘युरोपियन मापदण्डका आधारमा निर्माण गरिएको उक्त पेट्रोल मुलुकका सुविधासम्पन्न शहरहरुमा भएका पम्पहरुमा हुने सबै सुबिधा उक्त पेट्रोल पम्पबाट दिईने संचालक विप्लब हमालले जानकारी दिए ।
अत्याधुनिक डिजीटल प्रबिधीबाट सञ्चालन गरिने आयल स्टोर्स ४० हजार लिटर डिजल र २५ हजार लिटर पेट्रोल गरी ६५ हजार लिटर क्षमताको रहेको छ । लामो दुरीका सवारी साधन पार्किङ्ग गर्ने, दुई तर्फबाट सवारी साधन जान आउन सक्ने र एकैपटकमा पाँच वटा सवारी साधनले इन्धन भर्न सक्ने बनाइएको छ । चारै तर्फ सिसी क्यामरा जडान, ग्रीन पार्क समेत निर्माण गरिएको छ ।
उक्त कम्पनीले छोटो समयमै आधुनिक होटल तथा रेष्टुरेन्ट तथा मार्ट समेत सञ्चालनमा ल्याउने तयारी गरेको संचालक विप्लब हमालले जानकारी दिए । इन्धन भर्नका लागि आवश्यक जनशक्ति समेत परिचालन गरिएको छ । 14876386_924351477698086_1245245799_o
पर्यटकीय शहर पोखराबाट झण्डै ७० किलोमिटर तथा पर्वतको सदरमुकाम कुस्माबजारबाट १५ किलोमिटरको दुरीमा पर्ने स्थानमा पाँच रोपनी क्षेत्रफलमा बनेको उक्त सिद्धेश्वरी पेट्रोल पम्पले बिहीवारदेखि कारोबार शुरु गरेको छ ।
धौलागिरि अञ्चलमा निर्माणाधिन विभिन्न आयोजना, मुस्ताङ, मुक्तिनाथ तथा मानसरोबर पुग्ने आन्तरिब तथा भारतीय पर्यटक संख्यामा क्रमश बृद्धि हुँदै जानु र ठुलो क्षमताका पम्पहरु नहूँदा समय समय मयमा पेट्रोलयम पदार्थको अभाव सिर्जना हुने गरेको अवस्थालाई मध्यनजर गर्दै आफुले पम्प संचालनमा ल्याएको हमालले जानकारी दिए । यस अघि उक्त सडकमा एउटापनि पम्प संचालनमा आएको थिएन ।
अहिले मालढुंगा–बेनी सडक हुँदै हिमालपारीको जिल्ला मुस्ताङ्गमा दैनिक हजारौको संख्यामा आन्तरिक पर्यटक जाने गरेका छन् । पछिल्लो समय बेनीदेखि जोमसोम जोमसोम जोड्ने सडकको गुणस्तर सुधार हुँदै गएपछि उक्त क्षेत्रमा सडक मार्ग हुँदै जाने आन्तरिक तथा बाह्य पर्यटकको संख्यामा उल्लेख्य मात्रामा बृद्धि हुँदै गएको छ ।

14881261_924351387698095_224816916_o

सम्बन्धित समाचार

Comments are closed

भर्खरै view all

राष्ट्रिय सभाका अध्यक्ष तिमिल्सिना संग थाई नेपाली संघका पदाधिकारी भेट- गैह्र आवासीय नेपाली परिचयपत्र उपलब्ध गराउन पहलका लागि आग्रह

पर्वतका कुस्मा र फलेबास नगरपालिकाले ल्याउन सकेनन बजेट

ग्रामीण क्षेत्रलाई सुरक्षित राख्न गाउँ अभियानमा ट्राफिक

बन्दीपुरमा केबलकार-रोप परीक्षण र गोन्डोलामार्फत सामान बोकेर लोड परीक्षण

राष्ट्रिय सभाका अध्यक्ष तिमिल्सिना र चीनको जनकंग्रेसका अध्यक्ष बिच भेटवार्ता , ‘छेन्दु– पोखरा उडानका लागि चीन तयारी अवस्थामा’