देउसीभैलो राती खेल्न नपाइने , २ सय ५१ मात्र दक्षिणा

पर्वत/रातमा देउसी भैलो खेल्ने सोच बनाउँनुभएको छ भने तपाईलाई प्रशासनले काबार्ही गर्न सक्छ । जिल्ला प्रशासन कार्यालय पर्वतले ‘शान्ति सुरक्षा’मा असर पर्ने भन्दै राती १० बजे पछि देउसी खेलेमा काबार्ही गर्ने जानकारी दिएको हो ।
कार्यालयले बिहीबार एक बिज्ञप्ती प्रकाशित गर्दै रातको समयमा देउसी भैलो तथा साँस्कृतिक कार्यक्रमहरु सञ्चालन गर्दा अबाञ्छित समुहले घुसपैठ गरि शान्ति सुरक्षमा असर पु¥याउने भन्दै १० बजे सम्म मात्रै खेल्न अनुरोध गरेको छ ।
प्रमुख जिल्ला अधिकारी शम्भुप्रसाद मरासिनीले बिज्ञप्ती जारी गर्दै पटका, भुइचम्पा, आतिसबाजी नगर्न समेत आग्रह गरेका छन । यस्ता बिष्फोटक पर्दाथले सर्वसाधरणको स्वास्थ्यमा समेत प्रतिकुल असर पर्ने र चोटपटक लागेर अंगभंग समेत हुन सक्ने भन्दै ओसारप्रसार, बिक्री बितरणमा समेत प्रतिबन्ध लगाइएको छ। यस्तो गरेको पाईएमा कानुन अनुसार काबार्ही हुने बिज्ञप्तीमा उल्लेख छ ।

देउसी भैलोलाई २ सय ५१
यसैगरी पर्वत उद्योग बाणिज्य संघले देउसी भैलोलाई २ सय ५१ भन्दा बढी दान नदिन आग्रह गरेको छ। संघले कुस्माबजारमा माइकिङ्ग गरी देउसीभैलो खेल्न आउनेलाई अधिकतम २ सय ५१ रुपैँया मात्र दिन अनुरोध गरेको हो । ब्यक्तिगत रुपमा भने बढी दिन चाहनेलाई भने छुट दिइएको छ। ‘ यो संस्थागत निर्णय हो, कसैले स्वच्छिक रुपमा बढी दिन रोक लगाइएको छैन’ पर्वत उद्योग बाणिज्य संघका उपाध्यक्ष केदारनाथ शर्माले भने ।
समाप्त कार्तिक ११