सुनको शौचालय सर्वसाधारणले पनि प्रयोग गर्न पाउने
October 27, 2016 | 5:21 pm
एजेन्सी । राजा–महाराजा तथा धनाढ्यहरुको कल्पनामा रहने सुनको शौचालय सर्वसाधारणहरुका लागि समेत खुला भएको छ । न्युयोर्ककको सोलोमोन आर गुगेनहिम संग्रालयले सुनबाट बनेको शौचालय आफ्ना आगन्तुकहरुको प्रयोगको लागि खुला गरेको हो ।
उक्त शौचालय इटालीका कलाकार काटेलानले तयार पारेका हुन् । अधिकांश कलाकारले निर्माण गरेको सिर्जनालाई हातले छुन दिने चलन छैन ।
यद्यपि गुगेनहिम म्युजियमले भने आगन्तुकहरुलाई त्यसको प्रयोगसमेत गर्न दिने भएको छ । ५४ किलो सुन प्रयोग गरेर तयार पारिएको उक्त कमोटको मूल्य २६ करोड ६९ लाख रुपैयाँ पर्छ ।
