माओवादी केन्द्रीय सदस्य कोइराला एमालेमा प्रवेश

ram-koirala नेकपा माओवादी केन्द्रका केन्द्रीय सदस्य राम कोइराला नेकपा एमालेमा प्रवेश गरेका छन् । मंगलबार एमाले मधेशा गाँउ कमिटीद्धारा आयोजित प्रशिक्षण कार्यक्रममा विद्यार्थी नेता समेत रहेका कोइरालालाई नेकपा एमालेका केन्द्रीय सदस्य एवं सुनसरी इन्चार्ज धर्मराज निरौलाले स्वागत गरे ।

नेकपा एमाले निकट अनेरास्ववियुको सुनसरी जिल्ला अध्यक्ष, सुनसरी बहुमुखी क्याम्पसका प्रथम स्ववियु सभापति समेत रहिसकेका कोइराला २०६४ सालको पहिलो संविधानसभा निर्वाचनदेखि प्रचण्ड नेतृत्वको माओवादीमा प्रवेश गरेका थिए ।

एमाले प्रवेशपछि प्रशिक्षण कार्यक्रमलाई सम्बोधन गर्दै नेता कोइरालाले माओवादी वैचारिक रुपमा विचलित हुँदै गएको, पार्टीका नेता कार्यकर्ताहरुमा युद्धकालीन शैली–धङधङी बाँकी रहेको र पार्टीमा शुन्य विचार भएका मानिसहरु मात्र बाँकी रहेकाले सो पार्टी परित्याग गरेको बताए ।

नेकपा एमालेका केन्द्रीय सदस्य धर्मराज निरौलाले कोइरालालाई एकदुई दिनभित्रै पार्टीमा उचित जिम्मेवारी दिने तयारी भएको जानकारी दिए । उनले कोइरालासंगै माओवादी पार्टी परित्याग गरि सयौं केन्द्रीय नेता तथा जिल्लातहका कार्यकर्ताहरु एमाले आउन आतुर रहेको भन्दै छिट्टै औपचारिक कार्यक्रम गरी स्वागत गरिने बताए ।

सम्बन्धित समाचार

Comments are closed

भर्खरै view all

नागरिकता मुद्दामा रवि लामिछाने दोषी ठहर, उपप्रधानमन्त्री र सांसद पद पनि खारेज

जस्तोसुकै रोगको उपचार नेपालमै गर्ने व्यवस्था गर्छु : मन्त्री गिरी

सेवा प्रवाहमा ढिला सुस्ती नगर्न कार्यालय प्रमुखलाई स्वास्थ्य मन्त्री गिरीको निर्देशन

पर्वत अस्पतालमा थपियो डिजीटल एक्सरे सेवा -गुणस्तरीय स्वास्थ्य सेवाको पहुँच पु¥याउन सरकार प्रतिबद्ध छ —स्वास्थ्यमन्त्री गिरी

संकटको डिलमा पुगेको अर्थतन्त्र माथि ल्याउन प्रयत्नरत छ- मन्त्री गिरी