एन्फाको अध्यक्षमा नरेन्द्र श्रेष्ठ निर्वाचित
October 24, 2016 | 6:57 pm
काठमाडौं, ८ कात्तिक । अखिल नेपाल फुटबल संघ (एन्फा)को अध्यक्षमा नरेन्द्र श्रेष्ठ निर्वाचित हुनुभएको छ ।
सोमबार राजधानीको बबरमहलमा भएको निर्वाचनमा कर्माछिरिङ शेर्पालाई पाँच मतले पराजित गर्दै श्रेष्ठ अध्यक्षमा निर्वाचित हुनुभएको हो ।
कुल ६७ मत मध्ये श्रेष्ठको पक्षमा ३६ मत खसेको थियो ।
यसैगरी एन्फाको वरिष्ठ उपाध्यक्षमा श्रेष्ठ समूहकै मणि कुँवर ३४ मत प्राप्त गर्दै विजयी भएका छन् ।
एन्फाका तत्कालिन अध्यक्ष गणेश थापा भ्रष्टाचारको आरोपमा निलम्बनमा परेपछि रिक्त पदका लागि भएको चुनावमा उनकै समूहका नरेन्द्र श्रेष्ठले बाजी मारेका हुन् ।
