सत्तरी काटेका बृद्धले सय दिन श्रमदान गरि घरघरमै धारा जोडे

दुर्गाप्रसाद शर्मा ,आर्थर, पर्वत

ghargharma-dhara-1
आर्थर डाडाँखर्क – ९ की पदमा सुनार उमेरले ७० काटिन । कुवाबाट घरमा पानी ल्याउनका लागि उनले धेरै हिउँद बर्षा कष्टपुर्ण रुपमा काटिन । त्यही सम्झेर घरमै धारा बनाउन सय दिन भन्दा बढी श्रमदान गर्न गइन । पानीका लागि कुलो खन्ने देखि गिट्टी कुट्न एक दिन नछाडी १ सय ५ दिन गएकी सुनारलाई खानेपानी समितिले सम्मान पनि ग¥यो । ‘कुवाँको पानी बोक्दा जीवन बित्यो’ सय दिन बढी दुःख गर्दा बुढेसकालमा भएपनि घरमै धारा आयो’ ghargharma-dhara-5
पद्मा मात्रै होइन गाउँका ७० बर्ष काटेका धेरै बृद्धहरुले पनि घरघरमा धारा बनाउन श्रमदान गरेका छन । खानेपानी ल्याउनका लागि सय दिन भन्दा बढी श्रमदान गरेका नरबहादुर क्षेत्री भन्छन‘धेरै दुःख गरियो, आँगनमा धारो खस्दा सबै दुःख भुलियो’ पर्यटकीय गाउँ आर्थरडाँडाखर्क गाविसको वडा नं. ९ काहुलेका का ७७ घरका आँगनमा धारा ठडिएका छन । ब्रिटिस गोर्खा वेलफेयर स्किम अन्र्तगत ग्रामिण खानेपानी तथा सरसफाई कार्यक्रमको सहयोगमा उक्त धारा विस्तार गरिएको हो । खानेपानी योजनामा उपभोक्ताले ५० प्रतिशत देखि ३३ प्रतिशत सम्म श्रमदान गरेका छन । अहिले कुनै पनि योजनामा श्रमदान जुटाउन कठिन भएका बेला आर्थरका उपभोत्ताले गरेको श्रमदान अनुकरणीय भएको गाउँ पुगेका अतिथिहरुले बताएका थिए । 14671281_1250381395042830_6703102093419507696_n
करिब ७० लाख बढीको लागतमा काउले खानेपानी तथा सरसफाई योजना सम्पन्न भएको हो । रुपैयाको लागतमा उक्त योजना सम्पन्न भएको हो । दुई वटा योजना मध्ये पहिलोमा १९ लाख ९७ हजार कार्यक्रमको सहयोग र उपभोक्ताको पनि १९ लाख ३७ हजार बराबरको श्रमदान गरी ३९ लाख ३४ हजारको लागतमा सम्पन्न भएको हो । जसबाट ४४ वटा धारा विस्तार भएका छन् भने दोस्रो योजनाबाट ब्रिटिस गोर्खा वेलफेरको १९ लाख ५७ हजार र उपभोक्ताको ११ लाख ३६ हजार बराबरको श्रमदान गरी ३१ लाख ४४ हजारको लागतमा सम्पन्न भएको छ । यसबाट ३३ धारा निर्माण भएको आयोजनाका कार्यक्रम निर्देशक क्याप्टेन हिक्मत गुरुङले जानकारी दिनुभयो ।
खानेपानीको जोहो गर्नका लागि निकै सास्ती खेप्नुपर्ने उक्त बस्तीमा घर घरमा धारा निर्माण भएपछि स्थानिय लाभान्वित बनेका छन् । पञ्चासे क्षेत्रको जंगलमा रहेका मुलहरुबाट पानी ल्याइएको छ । गाउँले एक बर्ष सम्म घरघरमा भाँडा सुकाउने चाङ्ग देखि फोहोर फाल्ने खाडल र भाँडा धुन पक्की जुठेल्लो समेत बनाएका छन । गाउँलेले ब्यक्तिगत र सामुदायिक सरसफाईको क्षेत्रमा नमुना काम गरेको आयोजनाका डिन्जीनियरिङ्ग डिभीजन प्रमुख दानबहादुर जिरेलले जानकारी दिनुभयो । ‘खानेपानी बनाउन गाउँले श्रमदानमा उत्कृष्ट काम मात्रै गरेका छैनन, सरसफाईमा पनि नमुना बनाएका छन’ उहाँले भन्नुभयो । ghargharma-dhara-2
लामो समयको प्रतिक्षा र गाउँलेको अथक मेहनतबाट आयोजना सम्मन्न भएको भन्दै कादुरीका प्राबिधीक निर्देशक नारायण गुरुङ्गले नमुना काम गरेकोमा गाउँलेलाई बधाई दिए । उनले त गाउँलेको मेहनतलाई गीतबाटै प्रशंसा गर्न थालेपछि सबै एकपटक नाचेरै खुसी बनाए । 14713070_1250383518375951_4450902703120769790_o
गाउँमा खानेपानी आयोजना सम्पन्न भएकोमा गाउँलेले बाजागाजा सहित खुसीयाली मात्रै मनाएनन , खसी काटेर भोज समेत खाए । ‘हाम्रो बर्षौ देखिको सपना साकार भएको छ’ योजनाका स्पोन्सर भीम गुरुङ्गले भने ‘दुई बर्षको निरन्तर खटाईपछि सपनाले साकार रुप लिएको छ’
उक्त आयोजनाको शनिवार सांसद कल्पना चापागाईले उद्घाटन गरिन । कार्यक्रममा बोल्दै सांसद चापागाईले महिलाहरुले श्रमदान गरेको र आयोजनाबाट महिला बढी लाभान्वित हुने बताइन । महिला शसक्तिकरण नभएसम्म परिवर्तन नहुने हँुदा सवै ठाउँमा नेतृत्व गर्न अग्रसर हुन उहाँले स्थानिय महिलाहरुलाई आग्रह गर्नुभयो । कार्यक्रममा खानेपानी तथा सरसफाई डिभिजन प्रमुख प्रेम डोटेलले जनसहभागितामा निर्माण हुने आयोजनाहरु नमुनाको रुपमा देखिने बताए । उनले जिल्लामा खानेपानी सरसफाईको क्षेत्रमा काम गर्ने संस्थासँग सहकार्य गर्दै जाने आश्वासन पनि दिए ।

फोटो हरु खानेपानी आयोजनाको उद्घाटन कार्यक्रमका ।

14711098_1250382918376011_8528345402789418654_o

ghargharma-dhara-6

ghargharma-dhara-3

सम्बन्धित समाचार

Comments are closed

भर्खरै view all

नेपालमा एकैसाथ तीन मौसमी प्रणालीको प्रभाव, कहाँ हुँदैछ वर्षा र हिमपात ?

आज बालाचतुर्दशी अर्थात् पितृका नाममा शतबीज छर्ने दिन

गण्डकी काँग्रेस : सभापतिका उम्मेदवारले ९१ हजार शुल्क तिर्नुपर्ने

गण्डकी प्रदेश सभापतिमा पौडेल प्यानलबाट शर्मा

टिकटकमा यसरी फैलाइयो लकडाउन बारे भ्रामक भिडियो