सिण्डीकेड अन्त्य गर्न क्षेत्रिय प्रशासकको निर्देशन

पर्वत, पश्चिमाञ्च क्षेत्रका क्षेत्रिय प्रशासक खगराज बरालले यातयात क्षेत्रमा रहेको सिण्डीकेड तत्काल अन्त्य गर्न निर्देशन दिएका छन ।
पर्वत जिल्लामा कार्यालय प्रमुखहरुको नियमित बैठकमा बोल्दै क्षेत्रिय प्रशासक बरालले धौलागिरी अञ्चलमा अझै पनि यातयातमा सिण्डीकेड रहेको भन्दै तत्काल अन्त्य गर्न निर्देशन दिएका हुन ।
‘यातयात क्षेत्रमा ब्याप्त सिण्डीकेड प्रथा अझै कुनै न कुनै रुपमा रहेकोले यसको अन्त्य तत्काल गर्न आवश्यक छ’ उनले भने ‘यसलाई अन्त्य गरेर स्वतन्त्र प्रतिष्पर्धाको वातारबण बनाउनुस’ धौलागिरी अञ्चलमा पछिल्ला बर्षहरुमा यातयात क्षेत्रमा प्रतिष्पर्धा बढेपनि समिति र यातयात कम्पनीले मनोमानी रुपमा सेवा र सुबिधाका नाममा बढी भाडा असुल गर्ने र पालो प्रथामा नै सवारी चलाउँदै आएको गुनासो आएको प्रशासक बरालले बताएका थिए । उनले सरकारी कार्यालयहरुको सेवा प्रवाहलाई चुस्त दुरुस्त बनाउँदै लैजान सुझाब पनि दिए । उनले शुसाशन प्रर्बद्धनक कार्यक्रमहरु प्रभावकारी बनाउन तथा डिजीटल हाजिरी र डिजीटल नागरिक बडापत्र अनिवार्य रुपमा लागु गर्न पनि निर्देशन दिए । उनले सबै सुरक्षा निकायका बिचमा समन्वय गरेर शान्ति सुरक्षाको अवस्था प्रभावकारी बनाउँदै लैजान सुरक्षा निकायलाई निर्देशन दिएका थिए ।
प्रमुख जिल्ला अधिकारी शम्भुप्रसाद मरासिनीले जिल्लाको शान्ति सुरक्षा, कार्यप्रणालीका बारेमा जानकारी गराउँदै पर्वत जिल्लामा अहिले सम्म सुरक्षाका हिसाबले संबेदनशील अवस्था नरहेको जानकारी गराएका थिए । आगामी दिनमा हुन सक्ने सुरक्षा चुनौतीका बारेमा पनि पुर्ब तयारीमा रहेको र सबै सुरक्षा निकायका बिचमा समन्वय कायम रहेको जानकारी दिए ।
समाप्त कार्तिक ५