संविधान संशोधनको अन्तिम ड्राफ्ट तयार हुँदैछ, छठसम्म संशोधन हुन्छ स् प्रधानमन्त्री

काठमाडौं । प्रधानमन्त्री पुष्पकमल दाहालले संविधान संशोधनको अन्तिम ड्राफ्ट तयार भइरहेको बताएका छन् । प्रधानमन्त्री दाहालले त्यसका लागि छठसम्म संविधान संशोधन गरिसक्ने बताए ।
व्यवस्थापिका–संसद्को बैठकमा सम्बोधन गर्दै उनले सरकारले निर्वाचनलाई प्राथमिकतामा राखेको बताउँदै संविधान संशोधनलाई उच्च प्राथमिकतामा राखेको बताए ।
“सबैको सहभागितामा निर्वाचन गराउने कुरा सरकारले उच्च प्राथमिकता दिएको छ,” दाहालले भने,“गठबन्धनसँग केही औपचारिक र अनौपचारिक छलफल भएको छ । संविधान संशोधनको अन्तिम ड्राफ्ट तयार हुँदैछ । तिहार या छठसम्ममा संविधान संशोधनमा सत्तापक्ष, प्रतिपक्ष र आन्दोलनरत पक्षसँग सहमति गरेर संविधान संशोधन गरेर निर्वाचनतर्फ जाने तयारी छ । तिहार या छठसम्म संविधान संशोधन गरेर निर्वाचनमा जानुपर्छ ।”