सरकारले महिला क्रिकेटरलाई जनही २५ हजार दिने भयो

काठमाडौं । सरकारले महिला विश्वकपको एशियाली छनोटमा उपविजेता बनेको नेपाली महिला क्रिकेट टोलीका सदस्यलाई जनही २५ हजार रुपैयाँ दिने घोषणा गरेको छ ।
हङकङमा भएको छनोट प्रतियोगितामा उपविजेता बन्दै एसिया कपका लागि छनोट भएको महिला क्रिकेट टोलीका सदस्यलाई युवा तथा खेलकुद मन्त्रालयले बुधबार मन्त्रालयमा स्वागत गर्दै प्रोत्साहन स्वरुप तत्काल जनही २५–२५ हजार रुपैया दिने घोषणा गरेको हो । खेलाडीहरूलाई बधाई तथा स्वागत गर्दै खेलकुद मन्त्री दलजित श्रीपालीले सरकारबाट थप पुरस्कार र सम्मान उपलब्ध गराउने बताए । यस्तै मन्त्री श्रीपालीले उचित पुरस्कार रकमको ब्यवस्था गर्न राष्ट्रिय खेलकुद परिषदका पदाधिकारीलाई निर्देशन समेत दिएका थिए ।