पोर्चुगलका पूर्वप्रधानमन्त्री गुटेरेस संयुक्त राष्ट्रसंघका नयाँ महासचिव

 

काठमाडौं, २८ असोज — पोर्चुगलका पूर्वप्रधानमन्त्री एन्टोनियो गुटेरेस संयुक्त राष्ट्रसंघका आगामी महासचिवका रूपमा आधिकारिक रूपमा नियुक्त भएका छन् ।91914954_antonioguterres
सन् २०१७ को पहिलो दिन उनले संसारको उच्चतम कूटनीतिज्ञका रूपमा बान कि मूनको ठाउँ लिनेछन् ।

६७ वर्षीय गुटेरेस संयुक्त राष्ट्रसंघको शरणार्थी नियोगका प्रमुखका रूपमा विगत १० वर्षदेखि कार्यरत थिए ।

सिरियाको गृहयुद्ध अन्त्य गर्नु आफ्नो सबभन्दा ठूलो चुनौती रहेको उनले बताए ।

अहिले संसार खतरनाक समयबाट गुज्रिरहेको र सबैतिरका मान्छेले सुरक्षित भविष्यका लागि मिलेर काम गर्नुपर्ने उनले बताए ।

गुटेरेस व्यावसायिक इन्जिनियर हुन् र उनी सन् १९७६ मा राजनीतिमा प्रवेश गरेका हुन् । पोर्चुगलको पहिलो लोकतान्त्रिक निर्वाचनमा उनले भाग लिएका थिए ।

शरणार्थी नियोगको प्रमुखका रूपमा उनले सिरिया, अफगानिस्तान र इराकको शरणार्थी समस्यामा काम गरेका थिए ।

त्यो अवधिमा उने पश्चिमा राज्यहरूलाई द्वन्द्वग्रस्त इलाकाबाट भाग्न विवश शरणार्थीहरूलाई मद्दत गर्न अपिल गरेका थिए ।

संयुक्त राष्ट्रसंघमा पहिलोपटक महिला महासचिव नियुक्त गर्नका लागि लामो प्रयास गरिएको भएपनि गुटेरेसलाई नियुक्त गरिएको छ ।

महासचिव पदका लागि लडेका १३ जना उम्मेदवारमध्ये सात त महिला नै थिए ।

तीमध्ये युनेस्कोकी महानिर्देशक बुल्गेरियाली इरिना बोकोभा र न्युजिल्यान्डकी पूर्वप्रधानमन्त्री तथा युएनडिपीकी प्रमुख हेलेन क्लार्कको सम्भावना प्रबल रहेको मानिएको थियो ।

संयुक्त राष्ट्रसंघमा सुरक्षा परिषद् सर्वा्धिक शक्तिशाली हुन्छ र त्यसका सदस्यमध्ये पाँच देशसँग भिटो पावर हुन्छ ।

सुरक्षा परिषद् जत्तिकै शक्तिशाली नभएपनि महासचिवले शीर्ष कूटनीतिज्ञ र प्रमुख प्रशासनिक अधिकारीका रूपमा काम गर्छन् ।

महासचिवको काम चुनौतीपूर्ण हुन्छ र उसले अन्तर्रा्ष्ट्रिय द्वन्द्व चर्किन नदिनका लागि सार्वजनिक तथा निजी रूपमा प्रयास गर्नुपर्ने हुन्छ ।

पाँच वर्षको एक कार्यकाल र अधिकतम दुई कार्यकाल महासचिवको हुने प्रावधान रहेको छ ।

बीबीसी

सम्बन्धित समाचार

Comments are closed

भर्खरै view all

राष्ट्रिय सभाका अध्यक्ष तिमिल्सिना संग थाई नेपाली संघका पदाधिकारी भेट- गैह्र आवासीय नेपाली परिचयपत्र उपलब्ध गराउन पहलका लागि आग्रह

पर्वतका कुस्मा र फलेबास नगरपालिकाले ल्याउन सकेनन बजेट

ग्रामीण क्षेत्रलाई सुरक्षित राख्न गाउँ अभियानमा ट्राफिक

बन्दीपुरमा केबलकार-रोप परीक्षण र गोन्डोलामार्फत सामान बोकेर लोड परीक्षण

राष्ट्रिय सभाका अध्यक्ष तिमिल्सिना र चीनको जनकंग्रेसका अध्यक्ष बिच भेटवार्ता , ‘छेन्दु– पोखरा उडानका लागि चीन तयारी अवस्थामा’