आईसीसी महिला विश्वकप छनोटमा नेपालको दोस्रो जित, हङकङ ६ रनले पराजित

926991221womens-cricket-jpgकाठमाडौं । हङकङमा जारी आईसीसी महिला विश्वकप क्रिकेट अन्तर्गतको एसियाली छनोटमा नेपालले दोस्रो जित हासिल गरेको छ । छनोटअन्तर्गत बिहिबार भएको चौथो खेलमा नेपालले आयोजक हङकङलाई ६ रनले पराजित गर्दै दोस्रो जित निकालेको हो ।

हङकङको कोलुनस्थित कोलुन क्रिकेट मैदानमा नेपालले दिएको ७६ रनको लक्ष्य पछ्याएको हङकङ १७ ओभर ४ बलमा अलआउट हुदै ६९ रनमा समेटियो । हङकङका लागि क्यारी चानले १८, मारिको हिलले १३ तथा कीनु गिलले १० रन जोडिन । बलिङतर्फ नेपालकी करुणा भण्डारीले ३ तथा सिता राना मगरले २ विकेट लिईन । त्यस्तै कप्तान रुबिना क्षेत्री र निर्मला शाहीले एक एक विकेट लिए ।

यसअघि टस जितेर पहिले ब्याटिङ गरेको नेपालले पुरै २० ओभरमा ८ विकेट गुमाएर ७५ रन जोडेको थियो । नेपालको लागि करुणा भण्डारी १९ रनमा अविजित रहिन । त्यस्तै इन्दु बर्माले १५, ज्योति पाण्डेले ११ तथा नेरी थापाले १० रन जोडिन । नेपालकी अन्य ब्याट्सवुमन हङकङका बलरसामु खुलेर खेल्न सकेनन् ।nepal-women-cricket

अघिल्ला खेलमा नेपालको सर्वा्धिक रन बनाउने ब्याट्सवुमन निर्मला शाही मात्र ३ रनमा आउट भइन । त्यस्तै ओपनरद्वय काजल श्रेष्ठ २ तथा सिता राना मगर १ रनमा पेभेलियन फर्किएका थिए । नेपाललाई सस्तैमा समेट्ने क्रममा हङकङकी बेट्टी चानले ३ तथा कीनु गिलले दुई विकेट लिए ।

योसंगै नेपालले आयोजक हङकङमाथी पहिलो खेलमा बेहोरेको हारको बदला लिएको छ । छनोटको पहिलो खेलमा नेपाल हङकङसँग ६ विकेटले पराजित भएको थियो । हङकङमाथीको जितसंगै नेपालले ४ खेलबाट ४ अंक जोडेको छ र तालिकाको तेस्रो स्थानमा छ । छनोटमा थाइल्याण्ड शिर्ष स्थानमा छ भने हङकङ दोस्रो स्थानमा रहेको छ । अब नेपालले शुक्रबार शिर्ष स्थानको थाइल्याण्डसँग खेल्नेछ । टि–ट्वान्टी फर्म्याटमा हुने नेपाल सम्मिलित एसियाली छनोटमा आयोजक हङकङ, चीन र थाइल्याण्ड डबलराउण्ड रोबिनका आधारमा प्रतिस्पर्धा गर्दै छन् ।

एसियाली छनोटको शीर्ष स्थानमा रहने एक टोलीले २०१७ मा हुने ग्लोबल छनोटमा भाग लिनेछ । ग्लोबल छनोटमा १० टोली सहभागी हुनेछन् । ग्लोबल छनोटमा १० टोलीमध्ये शीर्ष चारमा पर्ने टोली इंग्ल्यान्ड महिला विश्वकपमा छनोट हुनेछ ।

सम्बन्धित समाचार

Comments are closed

भर्खरै view all

पर्वतको महाशिलामा कार्यपालिका सदस्यमा एमालेका उमेदवार निर्वीरोध निर्वाचित

पर्वत जिल्लाका केहि धार्मिक र पर्यटकिय स्थलहरु

पर्वतमा सरदर १० प्रतिशत मत आंशिक रूपमा बदर

पर्वतको जलजलाबाट बालिकालाई यौन दुर्व्यवहार गर्ने एकजना पक्राउ

आज २०७९ साल जेठ १३ गते शुक्रबारको राशिफल