BREAKING NEWS मासु खाँदा घाटीमा हड्डी अड्किएर मृत्यु
October 12, 2016 | 2:56 pm
महेन्द्रनगर, २६ असोज । घाटीमा मासुको हड्डी अड्किएर कञ्चनपुरमा एक पुरुषको ज्यान गएको छ ।
मंगलबार बडादसैंको दिन कञ्चनपुरको कृष्णपुर नगरपालिका २ वाणीका ५५ वर्षीय बहादुर रावलको घाटीमा मासु अड्किएर मृत्यु भएको इलाका प्रहरी कार्यालय गुलरियाले जनाएको छ ।
‘सोमबार राति खानासँगै मासु खाँदा हड्डी अड्किएछ’, कञ्चनपुर प्रहरी प्रवक्ता नैनसिंह कार्कीले भने- ‘महाकाली अञ्चल अस्पताल ल्याइ उपचार गराउने क्रममा मृत्यु भयो ।’
रावल शुक्लाफाँटा वन्यजन्तु आरक्षको वार्डेन कार्यालय मझगाउँमा सशस्त्र वन रक्षक (ग्यामस्टोक) पदमा कार्यरत थिए । उनको बुधबार विहान आफन्तले दाहसंस्कार गरेका छन् ।
