ज्यान मुद्दाका फरार अभियुक्त एक्काइस बर्ष पछि समातिए

district-police-office-parbat

पर्वत ,अदालतले सजाय सुनाए पनि लकुछिपी बस्नु भएको छ भने अब तपाईका दिन सकिए भन्ने सम्झनुस । पर्वतको प्रहरीले लुकिछीपी बसेका फरार अभियुक्तहरुलाई धमाधम पक्राउ गर्न थालेको छ ।
यसरी नै साथीको हत्या गरि फरार भएका एक अभियुक्तलाई प्रहरीले २१ बर्ष पछि समातेर अदालतमा पेश गरेको छ । पर्वत जिल्लाको राम्जा देउराली गाउँ बिकास समिति वडा नं २ का सेते भन्ने टेकबहादुर जिसीलाई प्रहरीले २१ बर्ष पछि समातेर अदालतमा पेश गरेको हो ।
जिसीलाई लुकीछिपी बस्दै आएको अवस्थामा उसकै घरबाट असोथ १४ गते पक्राउ गरि अदालतमा पेश गरेको जिल्ला प्रहरी कार्यालय पर्वतले जनाएको छ । जिसीलाई २०५२ साल जेठ ५ गते पर्वतको आर्थर डाडाँखर्क गाबिस वडा नं १ सातबिसेमा रामकाजी गुरुङ्गलाई हत्या गरेको अभियोगमा पर्वत जिल्ला अदालतले सर्बस्व सहित २० बर्ष कैद सजाय सुनाएको थियो । गुरुङ्गलाई कर्तब्य गरि हत्या गरेर बरको रुखमा झुण्डाएको अवस्थामा फेला पारेपछि जिसी सहितका चार जनालाई प्रहरीले पक्रेको थियो । पर्वत जिल्ला अदालतमा २०५३ असारमा पेश हुँदा उनीहरु चारै जना तारेखमा रिहा भएका थिए ।
जिसी सहित तारेखमा रिहा भएका अभियुक्तहरुको मुद्दामा पर्वत जिल्ला अदालतले २०६९ चैत्र २९ गते फैसला गरेको थियो । अदालतले जिसीलाई मात्रै दोषी ठहर गरेर २० बर्ष कैद सजाय सुनाएको थियो । अदालतको फरार सुचीमा रहेका जिसीले भारतीय सेनामा जागिर सकेर पेन्सनमा निस्केका थिए । यता फरार सुचीमा रहेपनि उता जागिर गर्दैै आएका जिसी अन्तत प्रहरीको फन्दामा परेका छन । उनलाई पर्वत जिल्ला अदालतले थुनामा पठाइसकेको छ।
श्रीमती हत्यारा पक्राउ
यसैगरी आफ्नै श्रीमतीको हत्या अभियोगमा सजाय सुनाइएपनि लुकेर बस्दै आएका पर्वतको शालिग्राम गाबिस – ६ का दिपक तिवारीलाई प्रहरीले आइतबार नियन्त्रणमा लिएको छ। तिवारीले २०६५ साल पौष २९ गते आफ्नै श्रीमती अनिता तिवारीको हत्या गरेका थिए । उनलाई २०६५ माघ २४ गते पर्वत जिल्ला अदालतमा पेश हुँदा पुर्पक्षका लागि थुनामा पठाएको थियो । प्रहरीका अनुसार २ बर्ष कारागारमा थुनामा बसेका तिवारी पुनराबेदन अदालत बागलुङ्गको आदेशले रिहा भएका थिए । त्यसपछि २०७२ साउन २२ मा सर्बोच्च अदालतले १० बषै कैद सजाय सुनाएको थियो । सर्बोच्च अदालतले कैद सजाय सुनाएपनि तिवारी फरार थिए ।
पर्वतमा नयाँ प्रहरी प्रमुख शेखर खनाल आएपछि अदालतले सजाय सुनाई पनि लुकीछुपी बसेका अपराधीहरुलाई धमाधम पक्रन थालेको छ । अपारधी निर्धक्क हिड्ने र प्रहरीले देखेको नदेखेझै गरेको भन्दै चौतर्फी बिरोध भएपछि प्रहरीले सक्रियता देखाएको छ। एक हप्ताको अवधीमा प्रहरीले ३७ जना फरार अभियुक्तहरुलाई पक्रेको छ र अदालतमा पेश गरेको छ। ‘अपराधी समाजमा सम्मान साथ हिड्ने अवस्था आउन नदिन यो अभियानलाई अझै तीब्र बनाउने छौ’ डिएसपी शेखर खनालले भने । फरार व्यक्तिहरु नियन्त्रणका लागि जिल्ला प्रहरी कार्यालय पर्वतले विशेष टोली नै खटाएको छ । अहिले पर्वत जिल्ला अदालतले विभिन्न मितिमा फैसला गरेर कार्बाही सुनाइएका तीन सय ३८ जना व्यक्तिहरु अझै पनि फरारको सूचीमा रहेको अदालतको तथ्याङ्क छ । प्रहरीले सञ्चालन गरेको अभियानले फैसला कार्यान्वयनमा सहयोग पुगेको छ । जसमध्ये यसरी फरार व्यक्तिहरुबाट सात सय आठ बर्ष दुई महिना १८ दिन कैद सजाय र छ करोड ५४ लाख ३४ हजार चारसय ८५ रुपैँया दण्ड जरिवाना असुल उपर हुन बाँकी रहेको अदालतको तथ्यांक छ ।
समाप्त असोज १६

सम्बन्धित समाचार

Comments are closed

भर्खरै view all

राष्ट्रिय सभाका अध्यक्ष तिमिल्सिना संग थाई नेपाली संघका पदाधिकारी भेट- गैह्र आवासीय नेपाली परिचयपत्र उपलब्ध गराउन पहलका लागि आग्रह

पर्वतका कुस्मा र फलेबास नगरपालिकाले ल्याउन सकेनन बजेट

ग्रामीण क्षेत्रलाई सुरक्षित राख्न गाउँ अभियानमा ट्राफिक

बन्दीपुरमा केबलकार-रोप परीक्षण र गोन्डोलामार्फत सामान बोकेर लोड परीक्षण

राष्ट्रिय सभाका अध्यक्ष तिमिल्सिना र चीनको जनकंग्रेसका अध्यक्ष बिच भेटवार्ता , ‘छेन्दु– पोखरा उडानका लागि चीन तयारी अवस्थामा’