प्रहरीले शुरु गयो यात्रु सहायता कक्ष

पर्वत, असोज १५ चाडवाड नजिकिदै जाँदा सवारी साधनमा यात्रुहरुको असुविधालाई मध्यनजर गर्दै पर्वत सदरमुकाम कुश्माबजारमा यात्रु सहायता कक्ष स्थापना गरिएको छ ।
कुश्माबजारस्थित शिवालयचोकमा शनिवार विहानदेखि सहायता कक्ष स्थापना गरिएको हो । चाडवाडको आवागमनसँगै सवारी साधनमा यात्रुको चाप बढ्ने र यात्रुहरु ठगिने भएकाले सम्भावित दुर्घटनाबाट जोगाउनका लागि यात्रु सहायता कक्ष स्थापना गरिएको जिल्ला प्रहरी कार्यालय पर्वतका प्रहरी निरिक्षक मधुकरजंग विष्टले जानकारी दिनुभयो ।
नागरिक सहायता कक्षमा प्रहरी, ट्राफिक प्रहरी र यातायात व्यासायीका प्रतिनिधिहरु रहने भएका छन् । क्षमता भन्दा बढि यात्रुहरु सवारी साधनमा चढाए, यात्रुहरुबाट बढि भाडा लिएमा, यात्रुका कुनै सामानहरु हराएमा वा अन्य कुनै अन्यायमा परेमा तत्काल यात्रु सहायता कक्षमा आएर उजुरी दिन सक्ने भएका छन् । उक्त नागरिक सहायता केन्द्र घटनास्थापनादेखि दिपावली सम्म रहने भएको छ ।
पोखरा बागलुङ सडक र ग्रामीण क्षेत्रमा संचालन हुने सवारीका साधनहरुमा व्यावसायीहरुले गर्ने अनियमितता बिरुद्ध तत्काल कारवाहि गर्नका लागि उक्त सहायता कक्षको ठुलो भूमिका रहने भएको छ । पर्वत सदरमुकाम हुँदै दैनिकजसो झण्डै एक हजार भन्दा बढि सवारी साधनहरु आवतजावत गर्दै आएका छन्