सडकलाई ८२ फुट गर्न बुुटवलका तीनसय घर भत्काइँदै

लुम्बिनी (रुपन्देही),  भदौ ३१। बुटवलको राजमार्ग चौराहादेखि गोलपार्क (चिडियाखोला) सम्मको सडकलाई ८२ फुट कायम गर्दा ३०० वटा घर भत्काउनुपर्ने अवस्था देखिएको सडक डिभिजन कार्यालय बुटवलले जनाएको छ ।

कार्यालयले हालै गरेको नापीअनुसार सडकको दायाँबायाँ रहेका ४०० घरमध्ये ३०२ वटा घर ८२ फुटभित्र पर्ने देखिएको हो । यस्ता घरलाई भत्काएर सडकलाई ८२ फुट कायम गरिने कार्यालयले जनाएको छ ।
सडक कार्यालयले यही भदौ १ गतेदेखि राजमार्ग चौराहादेखि गोलपार्कसम्मको सडकको दायाँबायाँ ८२ फुटभित्रका संरचना हटाउने बताए पनि विभिन्न आन्दोलन र बन्द हडतालले गर्दा डेढ महिनाको अवधि थप गरेको छ । कार्यालयका इन्जिनियर नरेन्द्र भट्टले भदौ १ गतेदेखि संरचना हटाउने भनेर सूचना प्रकाशित गरेपनि विभिन्न राजनीतिक दलहरुले आह्वान गरेका बन्द हड्तालले गर्दा समयमा काम सुरु गर्न नसकिएको बताउनुभयो ।
“यसबीचमा हामीले कति घर ८२ फुटभित्र परेका छन् भनेर नापी ग¥यौँ ।” इन्जिनियर भट्टले भन्नुभयो, “नापीमा व्यक्तिगत÷सार्वजनिक गरी ३०२ वटा घर तथा टहरा सडकभित्र परेका छन् ।”
उहाँले कार्यालयले पुनः एक वा डेढ महिनाको समय थप गरेर सडकमा परेका संरचना हटाउन समय दिने र त्यसपछि पनि नहटाइएका संरचना कार्यालयले हटाउने जनाउनुभयो । सडकमा परेका घरको कति भाग भत्काउनु पर्छ भन्नेबारे कार्यालयले अब चिह्न लगाउन थाल्ने उहाँले जानकारी दिनुभयो । कार्यालयका अनुसार ३०० घरमध्ये आधाभन्दा बढी घरको एक भाग मात्र भत्काउनुपर्ने अवस्था देखिएको छ ।
यसअघि बुटवलको सडक निर्माण गर्दा कार्यालयले ८२ फुटको लालपुर्जा नभएकाले सडक मिचेर बनाइएका संरचना हटाउन सकेको थिएन । कार्य क्षेत्र रुपन्देही र नवलपरासीको ३०० किलोमिटर पर्ने सडक डिभिजन कार्यालय बुटवलले आव २०६९-०७० मा बुटवलदेखि नवलपरासीको गैडाकोटसम्म ११४ किलोमिटर सडकभित्रका संरचना हटाएको थियो ।

त्यस्तैगरी, २०७०–७१ मा भूमही–भैरहवा सडकखण्डभित्रको ३० किमी सडक सफा गरेको थियो । इन्जिनियर भट्टले भन्नुभयो, “यस वर्ष (२०७२) भित्र बुटवलको तीन किलोमिटर सडक सफा गर्ने कार्ययोजना छ ।” त्यस्तै, आगामी वर्ष भैरहवा–लुम्बिनी २४ किमी सडकलाई फराकिलो बनाउने योजना सडक डिभिजनले गरेको छ ।
बुटवल–बेलहिया सडक निर्माणका क्रममा ८२ फुटमा परेका भवन पनि सडक कार्यालयले धमाधम हटाइरहेको छ । पुष्पलाल पार्कदेखि तिनाउ पुलसम्मको सडक भने ५० फुट कायम भएका कार्यालयले जनाएको छ ।
यसअगाडि नै उक्त सडकखण्डलाई कार्यालयले ५० फुट नै कायम गर्ने भनेर नापी गरेको बताइएको छ । सडक कार्यालयमा ३० जनाले घरको कति भाग सडकभित्र पर्छ चिह्न लगाइदिनुप¥यो, हामी आफ्नो घर आफैँ भत्काउँछौँ भनेर निवेदन समेत दिएको कर्मचारीले बताए । सरकार देशभरका मुख्य राजमार्गलाई ८२ फुट कायम गराउने अभियानमा जुटेकाले यसको कार्यान्वयन बुटवलमा पनि गर्न लागिएको हो ।
बुटवलको चार लेन सडक बनाउँदा लालपुर्जा नभएकाले ७५ फुटलाई आधार बनाएर निर्माण गरिएको थियो । सडक डिभिजन कार्यालयले अतिक्रमित संरचना हटाउन सूचना प्रकाशित गरेपछि आसपासका घरधनी चिन्तित भएका छन् ।
चार लेन सडक निर्माणको क्रममा अतिक्रमित संरचना हटाउने भनिए पनि लालपुर्जाको कारण नहटाइएपछि घरधनी ढुक्क भएका थिए । तर अहिले सडक ८२ फुट कायम गर्न थालिएपछि घरधनीमा नयाँ तरङ्ग फैलिएको छ । सरकारले यस वर्षदेखि मुख्य राजमार्ग (हाइवे) लाई अन्तर्राष्ट्रिय मापदण्डअनुसार १०५ फुट कायम गर्ने योजना ल्याएको छ । रासस

सम्बन्धित समाचार

Comments are closed

भर्खरै view all

जलजलाका विद्यालयमा स्वास्थ्यकर्मीले पनि कक्षा शिक्षण गर्ने

नर्सलाई न्यूनतम तलब नदिने अस्पताललाई कारबाही गर्ने चेतावनी

पोखरामा अर्को अात्मदाह प्रयास, बचाउन गएकी महिला घाइते ईते

नागरिकता मुद्दामा रवि लामिछाने दोषी ठहर, उपप्रधानमन्त्री र सांसद पद पनि खारेज

जस्तोसुकै रोगको उपचार नेपालमै गर्ने व्यवस्था गर्छु : मन्त्री गिरी