७५ किलो चरेससहित ९ जना पक्राउ
भीमदत्तनगर, भदौ ३० । सुदूरपश्चिमको पहाडी जिल्ला बझाङबाट ७५ किलो चरेससहित बुधबार नौ जना पक्राउ परेका छन् ।
चरेससहित पक्राउ पर्नेमा कडेल गाविस–५ का ३० वर्षीय रामलाल उपाध्याय, ६० वर्षीय हरि सार्की, २१ वर्षीय विवेकराज उपाध्याय, दौलीचौर–९ का २८ वर्षीय विनोद बोहरा, सुर्मा गाविस–८ का ५५ वर्षीय जयबहादुर जेठारा, गाविस–९ का ३४ वर्षीय लालबहादुर बोहरा, सुर्मा गाविस–३ का २९ वर्षीय लोकेन्द्र बोहरा, सुर्मा–७ का ५५ वर्षीया गजेन्द्र बोहरा र भामचौर–२ का ३४ वर्षीय प्रेमबहादुर बोहरा रहेको जिल्ला प्रहरी कार्यालय बझाङका प्रमुख प्रहरी नायब निरीक्षक लक्ष्मीराज अधिकारीले बताए ।
उनीहरुलाई मटेला गाविस–८ भाडेबगरबाट पक्राउ गरिएको जिल्ला प्रहरी कार्यालय बझाङले जनाएको छ ।
चरेस ढुवानीमा संलग्न गाडी र चालकसमेत प्रहरीले नियन्त्रणमा लिइ कारबाही प्रक्रिया अघि बढाएको छ । अभियुक्तलाई लागु औषध ऐन, २०३३ अनुसार कारबाही हुने बताइएको छ । रासस
