चिनी राखिएको तीन वटा ट्रकमा आगजनी

बारा, भदौ २६ । बाराको मनहरा गाविसस्थित रिलाइन्स सुगर मिलबाट उत्पादित ३२ लाख रुपैयाँ बराबरको चिनी राखिएको तीन वटा ट्रकमा शनिबार बिहान आन्दोलनकारीको समूहले आगजनी गरेको छ ।

चिनी काठमाडौँ पठाउनका लागि ना४ख २९२७, ना५ख ८७६१ र ना५ख २९९५ तीन ट्रकमा ३२ लाख रुपैयाँ बराबरको एक हजार २७० बोरा राखिएको थियो ।

ती ट्रक मनहराबाट पिलुवा हुँदै काठमाडौँतर्फ जाने क्रममा २५/३० जना आन्दोलनकारीले चिनी मिलदेखि करिब तीन किमी टाढा रोकी क्षति पुर्‍याएको जिल्ला प्रहरी कार्यालयले जनाएको छ ।

उक्त आगजनीमा परी ना५ख ८७६१ र २९९५ नम्बरका दुई ट्रकमा पूर्ण रुपले क्षति पुगेको छ ।

सो घटनामा उमेश यादवको नेतृत्वमा रहेको संघीय मधेसी मोर्चा समूहले जिम्मेवारी लिएको थाहा भएको छ । रासस

सम्बन्धित समाचार

Comments are closed

भर्खरै view all

राष्ट्रिय सभाका अध्यक्ष तिमिल्सिना संग थाई नेपाली संघका पदाधिकारी भेट- गैह्र आवासीय नेपाली परिचयपत्र उपलब्ध गराउन पहलका लागि आग्रह

पर्वतका कुस्मा र फलेबास नगरपालिकाले ल्याउन सकेनन बजेट

ग्रामीण क्षेत्रलाई सुरक्षित राख्न गाउँ अभियानमा ट्राफिक

बन्दीपुरमा केबलकार-रोप परीक्षण र गोन्डोलामार्फत सामान बोकेर लोड परीक्षण

राष्ट्रिय सभाका अध्यक्ष तिमिल्सिना र चीनको जनकंग्रेसका अध्यक्ष बिच भेटवार्ता , ‘छेन्दु– पोखरा उडानका लागि चीन तयारी अवस्थामा’