प्रधानमन्त्रीलाई महन्थ ठाकुरको जवाफ–‘वार्ताप्रति सकारात्मक छौं’

काठमाडौँ, भदौ १६ । प्रधानमन्त्री सुशील कोइराला र तराई मधेस लोकतान्त्रिक पार्टीका अध्यक्ष महन्थ ठाकुरबीच मंगलबार बेलुका टेलिफोन वार्ता भएको छ ।

वार्तामा देशको राजनीतिक अवस्था र संविधान निर्माणका सम्बन्धमा कुराकानी भएको थियो ।

टेलिफोन वार्तामा प्रधानमन्त्री कोइरालाले संविधान निर्माणलगायतका सबै राजनीतिक विषयमा संवादबाट समाधान खोज्न सकिने भएकाले औपचारिक रुपमा वार्तामा बस्न आग्रह गरेको प्रधानमन्त्रीका प्रेस संयोजक प्रकाश अधिकारीले जनाए ।

वार्तामा तमलोपा अध्यक्ष ठाकुरले प्रधानमन्त्री कोइरालाद्धारा औपचारिक वार्ताका लागि पठाइएको पत्र पाएको र वार्ताप्रति आफ्नो पार्टी सकारात्मक रहेको जवाफ दिएका थिए ।

तमलोपा अध्यक्ष ठाकुर मंगलबार मात्र काठमाडौँ फर्किएका थिए । मंगलबार बेलुका प्रधानमन्त्री कोइरालाले संघीय समाजवादी फोरम नेपालका अध्यक्ष उपेन्द्र यादवलाई पनि टेलिफोन गरेका थिए ।

उहाँसँग सम्पर्क कायम हुन नसकेकाले सो पार्टीका सभासद् शिवजी यादवलाई फोन गरी प्रधानमन्त्रीले टेलिफोन संवाद गरी वार्ताका लागि औपचारिक आग्रह गर्न खोज्नु भएको सन्देश पु¥याइदिन आग्रह गर्नुभएको थियो । रासस

सम्बन्धित समाचार

Comments are closed

भर्खरै view all

प्रदेश १, बागमती र गण्डकीमा हल्का वर्षा र हिमपातको सम्भावना

सर्वसम्मत नेतृत्व चयनको बाटोमा एमाले-दुई उपाध्यक्ष र दुई उपमहासचिव थप

यसरी हुँदैछ एमालेको १०औं महाधिवेशन

पर्वत कांग्रेस निर्वाचन- जोशी सभापतिमा विजयी

एमाले महाधिवेशनको उद्घाटन सत्रमा मानव समुद्र उर्लिन्छन्ः योगेश भट्टराई