नारायणी नदीमा डुबेर वृद्धको मृत्यु
September 1, 2015 | 8:43 am
चितवन, भदौ १५ । चितवनको देवघाटस्थित नारायणी नदीमा डुबेर एक वृद्धको मृत्यु भएको छ । प्रहरीका अनुसार अन्दाजी ६५–७० वर्षका देखिने वृद्धको नदीमा डुबेर मृत्यु भएको हो ।
सोमबार नदीले बगाउँदै गरेको देखेपछि स्थानीय युवा सुरज घिमिरेले पौडेर ती वृद्धालाई निकालेको र त्यसको १५ मिनेटपछि पानी निकाल्ने क्रममै उनको मृत्यु भएको जानकारी देवघाटका प्रहरी हवल्दार सीताराम पौडेलले घिमिरेले दिए ।
वृद्धको शव परीक्षणका लागि भरतपुर अस्पतालमा राखिएको छ । वृद्धको सनाखत भने हुन सकेको छैन ।
नदी किनारमा रहेका वृद्धा एक्कासि डुब्न पुगेको देखेपछि आफूले पौडेर उद्धार गरिएको सुरज घिमिरेले बताए । सुरजले यसअघि पनि डुबेका बालबालिकाको उद्धार गर्दै आएको स्थानीयवासीले बताएका छन् ।
