तियानजियान विस्फोटबाट मृत्यु हुनेको सङ्ख्या १५० पुग्यो
August 31, 2015 | 12:09 pm
चीन भदौ १३ । तियानजियानमा अवस्थित एक ग्यास गोदाममा भएको विस्फोटका कारण मृत्यु हुनेको सङ्ख्या १५० पुगेको यहाँको उद्धार कार्यमा संलग्न अधिकारीहरुले जनाएका छन् ।
विस्फोटका कारण २३ जना अझै हराइरहेका छन् । मृतकमध्ये ९२ जना अग्नी नियन्त्रक, १० जना प्रहरी र ४८ जना सामान्य नागरिक भएको जनाइएको छ ।
घटनामा घाइते भएका ३६७ जना अझै अस्पतालमा उपचारारत छन् । घाइतेमध्ये २० जनाको अवस्था गम्भीर भएको जनाइएको छ । अगस्त १२ तारिखमा भएको विस्फोटका कारण उक्त क्षेत्रका बासिन्दा विस्थापित भएका छन् । रासस/सिन्ह्वा
