म्यानचेस्टर युनाइटेडलाई धक्का
August 31, 2015 | 7:19 am
काठमाडौं, भदौ १४ । इंग्लिस प्रिमियर लिग फुटबलमा उपाधि दाबेदार म्यानचेस्टर युनाइटेड पराजित भएको छ ।
प्रतियोगिताअन्र्तगत् आइतबार राति भएको खेलमा म्यानयु स्वान्सी सिटीसँग २–१ गोलले स्तब्ध भएको हो । खेलको ४८औं मिनेटमा हुँवा माटोले गोल गर्दै म्यानयुलाई अग्रता दिलाएका थिए । तर, ६१औं मिनेटमा आन्द्रे आयु र ६६औं मिनेटमा बाफेटिम्बी गोमेसले गोल गर्दै स्वान्सीलाई जिताए ।
हारसँगै ४ खेलबाट ७ अंक जोडेको म्यानयु अंक तालिकामा पाँचौ स्थानमा झरेको छ । समान खेलबाट ८ अंक जोडेको स्वान्सी चौथो स्थानमा उक्लिएको छ ।
आइतबार राति नै भएको अर्को खेलमा साउथह्याम्पटनले नर्विच सिटीमाथि ३–० को फराकिलो जित निकाल्यो ।
