मगर संघद्धारा म्याग्दी बन्द फिर्ता

म्याग्दी, भदौ १४ । नेपाल मगर संघको मगराँत संघर्ष समितिले सोमबार आह्वान गरेको मगराँत क्षेत्र बन्दको कार्यक्रम म्याग्दीमा फिर्ता लिएको छ ।

केन्द्रीय कार्यक्रमअनुसार बन्द आह्वान गरिए पनि म्याग्दीमा फिर्ता लिएको नेपाल मगर संघ म्याग्दीका सचिव राजकुमार थापाले जानकारी दिए ।

म्याग्दीमा बिहानैदेखि शैक्षिक संस्थामा पठनपाठन भएको छ । सवारीसाधन पनि सञ्चालन भएका छन् । बजारका पसल पनि खुलेका छन् ।

उच्चस्तरीय राज्य पुनःसंरचना आयोगले प्रस्ताव गरेको मगराँत क्षेत्रलाई टुक्र्याइएको विरोधमा मगर समुदायले बन्द आह्वान गरेका हुन् । उनीहरुले मगर समुदायको धेरै बसोबास रहेको म्याग्दी, बागलुङ, गुल्मी, पाल्पा, रोल्पा, रुकुम र प्युठान जिल्लालाई एउटै प्रदेशमा समावेश गर्नुपर्ने माग राखेका छन् ।

प्रशासनिक सुगमताका हिसाबले म्याग्दीलाई पछिल्लो पटक समावेश गरिएको ५ नम्बर प्रदेशनै अनुकूल भएकाले केन्द्रीय समितिले गरेको बन्दको कार्यक्रममा सहभागी नभएको मगर संघ म्याग्दीका सचिव थापाले बताए । बन्दबाहेकका मगर समुदायको अन्य मागप्रति भने संघले समर्थन गर्ने थापाले बताए । रासस

सम्बन्धित समाचार

Comments are closed

भर्खरै view all

पोखरा—बाग्लुङ राजमार्गको याम्दीमा यातायात बन्द गरेर काम गरिने, यी हुन सवारी चलाउने बैकल्पिक रुट

जलजलाका विद्यालयमा स्वास्थ्यकर्मीले पनि कक्षा शिक्षण गर्ने

नर्सलाई न्यूनतम तलब नदिने अस्पताललाई कारबाही गर्ने चेतावनी

पोखरामा अर्को अात्मदाह प्रयास, बचाउन गएकी महिला घाइते ईते

नागरिकता मुद्दामा रवि लामिछाने दोषी ठहर, उपप्रधानमन्त्री र सांसद पद पनि खारेज