लिम्बूवानको बन्दले पूर्वका नौ जिल्ला ठप्प
August 31, 2015 | 8:49 am
झापा, भदौ १४ । संघीय लिम्बूवान पार्टीको आह्वानमा सोमबार गरिएको आमहडतालका कारण झापा तथा मेची अञ्चलभर यातायात ठप्प भएको छ ।
पूर्वी नेपालको नौ जिल्ला झापा, मोरङ, सुनसरी, धनकुटा, संखुवासभा, तेह्रथुम, इलाम, फिदिम, भोजपुर लिम्बूवान राज्य हुनुपर्ने आन्दोलनकारीको माग रहेको छ ।
बन्दको कारण लामो तथा छोटो दूरीका कुनै पनि सवारीसाधान चल्न सकेका छैनन् । बजार फाटफुट खुलेका छन् भने औद्योगिक प्रतिष्ठान, शैक्षिक संस्था बन्द छन् ।
बन्दको कारण कुनै पनि अप्रिय घटना नभए पनि प्रहरी सतर्कता बढाइएको जिल्ला प्रहरी कार्यालय झापाले जनाएको छ ।
