मलेसियामाथि नेपालको गर्विलो जित

काठमाडौं, भदौ १४ । मलेसियामा जारी एसीसी यु–१९ प्रिमियर लिग क्रिकेटको आफ्नो तेस्रो खेलमा नेपालले फराकिलो जित दर्ता गरेको छ ।

आयोजक मलेसियाविरुद्ध क्वालालम्पुरमा सोमबार भएको खेलमा नेपाल ८ विकेटले विजयी भएको हो । मलेसियाले दिएको ७६ रनको चुनौती नेपालले २१२ बल बाँकी छँदै २ विकेट गुमाएर पूरा गर्‍यो । नेपालका लागि आशिष धामीले अविजित रहँदै सर्वाधिक ३८ रन जोडे भने राजवीर सिंहले ३३ रनको योगदान दिए ।

नेपालको जितमा नेपाली बलरहरुको भूमिका पनि महत्वपूर्ण रह्यो ।

यसअघि, टस जितेर पहिले ब्याटिङ गरेको मलेसिया ५० ओभरको खेलमा ३८ ओभरमै सम्पूर्ण विकेट गुमाउँदै ७५ रनमा समेटिएको थियो ।

टस मलेसियाले सुरुआतबाटै खराब प्रदर्शन गर्‍यो । ५ रनमै पहिलो विकेट गुमाएको मलेसियाले ३० रन नजोड्दै ५ विकेट गुमाइसकेको थियो ।

मलेसियाका तर्फबाट पवनदीप सिंहले सर्वा्धिक १७ रन जोडे । उसका तीन ब्याट्सम्यानले मात्रै दोहोरो अंकको रन जोड्न सके । मलेसियाले १३ रन अतिरिक्त रनका रुपमा पाएको थियो ।

नेपालका आरिफले सेख १० ओभर बलिङ गर्दै मात्र १८ रन दिए सर्वाधिक ४ विकेट लिए । दीपेश श्रेष्ठ र दीपेन्द्र सिंह ऐरीले समान २–२ र सुशील कँडेल १ विकेट लिँदै मलेसियाका खेलाडीलाई सस्तैमा पवेलियन पठाए ।

जारी प्रतियोगिताको पहिलो खेलमा नेपालले युएईलाई १४९ रनले हराएको थियो भने दोस्रो खेलमा अफगानिस्तानसँग १० विकेटको हार ब्यहोरेको थियो ।

प्रतियोगितामा नेपाल, मलेसिया, युएई, अफगानिस्तान, साउदी अरेबिया र कतारको सहभागिता रहेको छ । यी टोलीले राउन्ड रोबिन लिगका आधारमा एकअर्कासँग प्रतिस्पर्धा गर्ने छन् । प्रतियोगिताको शीर्ष तीनभित्र पर्ने टोली यु–१९ एसियाका कपका लागि छानिने छन् ।

सम्बन्धित समाचार

Comments are closed

भर्खरै view all

राष्ट्रिय सभाका अध्यक्ष तिमिल्सिना संग थाई नेपाली संघका पदाधिकारी भेट- गैह्र आवासीय नेपाली परिचयपत्र उपलब्ध गराउन पहलका लागि आग्रह

पर्वतका कुस्मा र फलेबास नगरपालिकाले ल्याउन सकेनन बजेट

ग्रामीण क्षेत्रलाई सुरक्षित राख्न गाउँ अभियानमा ट्राफिक

बन्दीपुरमा केबलकार-रोप परीक्षण र गोन्डोलामार्फत सामान बोकेर लोड परीक्षण

राष्ट्रिय सभाका अध्यक्ष तिमिल्सिना र चीनको जनकंग्रेसका अध्यक्ष बिच भेटवार्ता , ‘छेन्दु– पोखरा उडानका लागि चीन तयारी अवस्थामा’