नेपाल मैत्रीपूर्ण फुटबलमा आज भारतसँग भिड्दै
August 31, 2015 | 8:25 am
काठमाडौं, भदौ १४ । नेपाली राष्ट्रिय फुटबल टोलीले आज भारतको राष्ट्रिय टिमसँग मैत्रीपूर्ण खेल खेल्दैछ ।
आसन्न साफ च्याम्पियनसिप फुटबलको तयारीका रुपमा हेरिएको भारतको पुणेमा हुने आजको खेल नेपालका लागि विशेष हुनेछ ।
फाइल फोटो
हालै काठमाडौंमा सम्पन साफ यु–१९ च्याम्पियनसिप फुटबलमा नेपालले भारतलाई नै हराउँदै उपाधि जितेको थियो । त्यसैले आज सिनियर नेपाली टोलीमाथि थप दबाब छ ।
फुटबलमा नेपालका लागि भारत सधैं कठीन प्रतिद्धन्द्धीका रुपमा रहेको छ । । दुई वषअघि काठमाडौंमा भएको साफ च्याम्पियनसिप फुटबलमा नेपालले भारतलाई पराजित गरेको थियो ।
त्यसयतमा नेपाली सिनियर टोलीले भारतलाई हराउन सकेको छैन । नेपाल आज पुनः त्यही सफलता दोहो¥याउने लक्ष्यका साथ मैदानमा उत्रिने छ ।
