आदिवासी जनजाति महासङ्घको सरकारलाई जवाफ

काठमाडौँ, भदौ १३ । सरकारले वार्ताका लागि गरेको आग्रहलाई सकारात्मक रुपमा लिँदै नेपाल आदिवासी जनजाति महासङ्घले वार्ताको वातावरणका लागि आफ्ना तीनबुँदे धारणा अघि सारेको छ ।

सरकारले चार दिनअघि पत्र पठाएर वार्ताका लागि आह्वान गरेपछि त्यसको जवाफमा आज महासङ्घले तीनबुँदे धारणासहितको जवाफ विद्युतीय माध्यममार्फत प्रधानमन्त्रीलाई पठाएको हो ।

महासङ्घको तीनबुँदे अवधारणापत्रमा आफूहरुले उठाउँदै आएका र विगतमा राज्यसँग सहमति भएका मुद्दा न्यूनतम रुपमा सम्बोधन गरिनुपर्ने, आन्दोलनका क्रममा मुत्यु भएकालाई सहिद घोषणा, घाइतेको शीघ्र उपचार, नियन्त्रणमा लिइएकालाई निःसर्त रिहा, उनीहरुमाथि लगाइएका मुद्दा फिर्ता लिनुपर्ने र केही क्षेत्रमा गरिएको सेना परिचालन फिर्ता गरिनुपर्ने उल्लेख छ ।

महासङ्घका अध्यक्ष नगेन्द्रकुमार कुमालले रासससँग कुरा गर्दै सरकारले वार्तामा बोलाउनु सकारात्मक भएको र आफूहरुको धारणाबारे सरकारको जवाफ आएपछि वार्ताका लागि अघि बढ्ने बताए ।

उहाँले अन्तरिम संविधानले सम्बोधन गरिसकेको समानुपातिक समावेशिताको मुद्दाबाट आफूहरु पछि हट्न नसक्ने भन्दै यसलाई राज्यले गम्भीर रुपमा लिनुपर्ने बताए । रासस

सम्बन्धित समाचार

Comments are closed

भर्खरै view all

१७ दिनमै देखिइसक्यो देउवाको १७ महिनाको सङ्केत

भारतमा एकै दिन थपिए ४० हजार ७८४ जना कोरोना संक्रमित

फलेबास नगरपालिकाको केन्द्र बिबादमा सर्वोच्च अदालतको अन्तरिम आदेश खारेज , नगरपालिकाले झकलक चौरमा संरचना निर्माण गर्न बाटो खुल्यो

स्थानीय तहको अधिवेशन असोज ९ भित्र सक्न एमालेको निर्देशन

तुइन तार्ने कल्याणसिंह धामी भन्छन्, ‘जयसिंह भेलमा बगेपछि एसएसबीका सुरक्षाकर्मी भागे’