चेल्सी फेरि पराजित, म्यानसिटी शीर्ष स्थानमा, लिभपरपुलको लज्जास्पद हार

काठमाडौं, भदौ १३ । इंग्लिस प्रिमियर लिग फुटबलमा साविक विजेता चेल्सीको खराब लय कायमै रहेको छ ।

शनिबार राति भएको खेलमा चेल्सी क्रिस्टल प्यालेससँग २–१ गोलअन्तरले पराजित भयो । क्रिस्टल प्यालेसको जितमा खेलको ६५औं मिनेटमा साको र ८१औं मिनेटमा वार्डले गोल गरे । चेल्सीका लागि खेलको ७९औं मिनेटमा फाल्काओले एक गोल गरे ।

जारी लिगमा खेलेका ४ खेल मध्येमा चेल्सी २ खेलमा पराजित भइसकेको छ । एक खेल बराबरी भएको थियो भने एक खेलमा मात्र उसले जित निकालेको थियो । यो हारसँगै चेल्सी अंक तालिकाको १३औं स्थानमा रहेको छ भने क्रिस्टल प्यालेस समान खेलबाट ९ अंक जोड्दै दोस्रो स्थानमा रहेको छ ।

शनिबार राति नै भएको अर्को खेलमा उपाधि दाबेदाबर म्यानचेस्टर सिटीले वाटफोर्डलाई २–० गोलले हराएको छ । जारी लिगमा शतप्रतिशत जितसँगै  म्यानसिटी ४ खेलबाट १२ अंकका साथ लिग तालिकाको शीर्ष स्थानमा यथावत रहेको छ ।

यस्तै, वेस्टह्याम युनाइटेडले लिभरपुलमाथि ३–० को रवाफिलो जित दर्ता गर्‍यो । वेस्टह्याम सातौं स्थानमा उक्लिएको छ भने लिभरपुल छैटौं स्थानमा झरेको छ ।

शनिबार राति नै भएको अन्य खेलहरुमा न्यूकासल युनाइटेडले आर्सनललाई १–० ले हराउँदा एस्टन भिल्ला र सन्डरल्यान्डले २–२ गोलको बराबरी खेले । टोटेनहाम हट्सपर र एभर्टनको खेल गोलरहित बराबरीमा टुंगिदा वेस्टब्रोमले  स्टोक सिटीलाई १–० ले पराजित गर्‍यो भने लेस्टर सिटी र बोर्नेमाउथले १–१ गोलको बराबरी खेले ।

सम्बन्धित समाचार

Comments are closed

भर्खरै view all

राष्ट्रिय सभाका अध्यक्ष तिमिल्सिना संग थाई नेपाली संघका पदाधिकारी भेट- गैह्र आवासीय नेपाली परिचयपत्र उपलब्ध गराउन पहलका लागि आग्रह

पर्वतका कुस्मा र फलेबास नगरपालिकाले ल्याउन सकेनन बजेट

ग्रामीण क्षेत्रलाई सुरक्षित राख्न गाउँ अभियानमा ट्राफिक

बन्दीपुरमा केबलकार-रोप परीक्षण र गोन्डोलामार्फत सामान बोकेर लोड परीक्षण

राष्ट्रिय सभाका अध्यक्ष तिमिल्सिना र चीनको जनकंग्रेसका अध्यक्ष बिच भेटवार्ता , ‘छेन्दु– पोखरा उडानका लागि चीन तयारी अवस्थामा’