बार्सिलोनाको कठीन जित, रियल बेटिसको पोस्टमा रियल मड्रिडको ५ गोल

काठमाडौं, भदौ १३ । स्पेनिस लिग ला लिगामा उपाधि दाबेदार बार्सिलोनाले लगातार दोस्रो जित दर्ता गर्दा अर्को दाबेदार रियाल मड्रिडले पहिलो जित हासिल गरेको छ ।

शनिबार राति भएको खेलमा बार्सिलोनाले मालागामाथि १–० को कठीन जित निकालेको हो । बार्साको जितमा भेर्मालेनले खेलको ७३औं मिनेटमा गरेको गोल नै निर्णायक रह्यो ।

शनिबार राति नै भएको खेलमा रियल मड्रिडले रियल बेटिसलाई ५–० को फराकिलो गोलअन्तरले पराजित गर्‍यो । जारी लिगमा रियल मड्रिडको यो पहिलो जित हो ।

रियलको जितमा ग्यारेल बेल र थोमस रोड्रिगेजले समान दुई २ गोल गरे भने करिम बेन्जामले १ गोल गरे । रियल मड्रिड पहिलो खेलमा नवप्रवेशी गिजोनसँग बराबरीमा रोकिएको थियो ।

लिग तालिकाको शीर्ष स्थानमा सेल्टा भिगो रहेको छ । दुई खेलबाट ६ अंक जोडेको सेल्टा भिगोले समान खेलबाट समान ६ अंक नै जोडेको बार्सिलोनालाई गोलअन्तरमा पछि पार्दै शीर्ष स्थानमा रहेको हो । रियल मड्रिड ४ अंकसहित तेस्रो स्थानमा छ ।

सम्बन्धित समाचार

Comments are closed

भर्खरै view all

राष्ट्रिय सभाका अध्यक्ष तिमिल्सिना संग थाई नेपाली संघका पदाधिकारी भेट- गैह्र आवासीय नेपाली परिचयपत्र उपलब्ध गराउन पहलका लागि आग्रह

पर्वतका कुस्मा र फलेबास नगरपालिकाले ल्याउन सकेनन बजेट

ग्रामीण क्षेत्रलाई सुरक्षित राख्न गाउँ अभियानमा ट्राफिक

बन्दीपुरमा केबलकार-रोप परीक्षण र गोन्डोलामार्फत सामान बोकेर लोड परीक्षण

राष्ट्रिय सभाका अध्यक्ष तिमिल्सिना र चीनको जनकंग्रेसका अध्यक्ष बिच भेटवार्ता , ‘छेन्दु– पोखरा उडानका लागि चीन तयारी अवस्थामा’