जनैपूर्णिमाको अवसरमा कुण्डमा भक्तजनको भीड

भक्तपुर, १२ भदौ । जनैपूर्णिमाको अवसरमा आज भक्तपुरको नगरकोटस्थित महादेवकुण्ड र भक्तपुर औद्योगिक क्षेत्रस्थित धल्चा पुखुमा मेला लागेको छ ।

ती कुण्डमा स्नान गर्न हजारौँ भक्तजनको आज बिहानैदेखि भीड लागेको छ । नगरकोटको महादेव कुण्डलाई गोसाइँकुण्डको प्रतीक मानिन्छ । यस कुण्डमा विशेष गरी नगरको आसपासका तामाङको विशेष मेला लाग्ने गर्दछ । कुण्डमा काभ्रे र सिन्धुपाल्चोकसम्मका तामाङ गुरु आफ्नो मौलिक पोसाकमा डम्फु बजाउँदै मेला भर्न आउने गर्दछ ।
समूह समूहमा आउने त्यस्ता लामा गुरुको नाचले मेलालाई आकर्षण बनाउने गर्दछ । आजको दिन कुण्डमा स्नान गरी महादेवको दर्शन गरे गुरुको मन्त्र सिद्धी हुने विश्वास पनि रहेको छ ।
पौराणिक कथनअनुसार महादेवले कालकुट विष सेवन गरेपछि छटपटिएर गोसाइँकुण्डतर्फ जाने क्रममा नगरकोटमा बास बसेको विश्वासमा आजको दिन सो कुण्डमा मेला लाग्ने गरिएको हो । गोसाइँकुण्ड जान नसक्नेले सो कुण्डमा स्नान गरे पनि गोसाइँकुण्डमा स्नान गरेसरह पुण्य प्राप्त हुने जनविश्वास रहेको पाइन्छ ।
त्यसैगरी भक्तपुर औद्योगिक क्षेत्रस्थित धल्चा पुखुलाई पनि गोसाइँकुण्डको प्रतीक मानेर स्नान गर्ने प्रचलन रहेको छ । सो कुण्डमा स्नान गरी भक्तपुर दरबारस्क्वायरस्थित शिलु महादेव (फसी देगः) को दर्शन गरे गोसाइँकुण्ड गएसरह पुण्य प्राप्त हुने जनविश्वास छ । रासस

सम्बन्धित समाचार

Comments are closed

भर्खरै view all

१७ दिनमै देखिइसक्यो देउवाको १७ महिनाको सङ्केत

भारतमा एकै दिन थपिए ४० हजार ७८४ जना कोरोना संक्रमित

फलेबास नगरपालिकाको केन्द्र बिबादमा सर्वोच्च अदालतको अन्तरिम आदेश खारेज , नगरपालिकाले झकलक चौरमा संरचना निर्माण गर्न बाटो खुल्यो

स्थानीय तहको अधिवेशन असोज ९ भित्र सक्न एमालेको निर्देशन

तुइन तार्ने कल्याणसिंह धामी भन्छन्, ‘जयसिंह भेलमा बगेपछि एसएसबीका सुरक्षाकर्मी भागे’