पूर्णरुपमा क्षति भएकामध्ये तीन सय घर मात्र भत्काइयो

काठमाडौँ, ११ भदौ । वैशाख १२ को भूकम्पले काठमाडौँ महानगरपालिकामा पूर्ण क्षति भएका दुई हजार ७०० मध्ये हालसम्ममा करिब ३०० घर मात्र भत्काइएको छ ।

भूकम्प गएको केही दिनमानै भत्केका घरको कारण सार्वजनिक स्थानको बाटो अवरुद्ध भएका, भत्किएका सांस्कृतिक सम्पदा र खतराको अवस्थामा रहेको ५५ वटा घर भने महानगरपालिका आफैँले भत्काएको महानगरपालिकाका कार्यान्वयन महाशाखा प्रमुख धनपति सापकोटाले जानकारी दिनुभयो ।
सापकोटाका अनुसार नेपाली सेना, नेपाल प्रहरी र महानगरपालिकाको रोहवरमा सांस्कृतिक सम्पदाअन्तर्गत सुन्धरामा रहेको धरहरा, वसन्तपुरमा भत्किएका मठमन्दिरको फोहर व्यवस्थापन नगरपालिकाले गरेको हो ।
पूर्ण क्षति भएको भनी दर्ता भएका केही घरमा हाल मानिस बसोबास गरिरहेका छन् । मानिस बसिरहेकाले नगरपालिकाले पूर्ण क्षति भएको भनी भत्काउन आग्रह गरे पनि घरधनीका विभिन्न आन्तरिक कारणले गर्दा पछिल्लो समय घर भत्काउने काम सुस्त भएको छ ।
एउटै घर एकभन्दा बढी व्यक्ति मिलेर बनाएको र घरधनी विदेशमा भएको अवस्थाका कारण देखाउँदै नागरिकले पूर्णरुपमा क्षति भएको भनिएका घर पनि भत्काउन तत्पर नभएका महानगरपालिकाको भनाइ छ ।
असन, सीतापाइला, रविभवन, कालीमाटी, बालाजु, लैनचौर, ठमेललगायतको स्थानमा केही घर भत्काएका छन् भने केही भत्काउने क्रममा रहेका छन् ।
भत्काइएको घरबाट निस्केको फोहर व्यवस्थापनका लागि खुल्लामञ्चको पूर्व दक्षिण परिसर, लैनचौरको खुल्ला स्थान, डल्लु झलुङ्गेपुलसँगैको खुल्ला स्थान, कालीमाटी पुलसँगैको खुल्ला स्थानसहित १७ वटा स्थान तय गरिएको छ ।
महानगरपालिकाभित्र पर्ने पाँच हजार घर भूकम्पले गर्दा आंशिक क्षति भएको बताइएको छ । रासस

 

सम्बन्धित समाचार

Comments are closed

भर्खरै view all

पर्वतमा माओबादी केन्दले जित्यो दुई उपाध्यक्ष र वडा अध्यक्ष, जिल्ला संयोजक वडा सदस्य मै पराजित

४३ वडाको मतपरिणाम सार्वजनिक, २६ वडामा एमाले, १६ वडामा कांग्रेस विजयी

पर्वतको जलजलाको अध्यक्षमा गठबन्धनका उम्मेदवार राजु आचार्य विजयी

पैयूमा अध्यक्ष कांग्रेस र उपाध्यक्ष एमाले विजयी

महाशिला गाउँपालिका अध्यक्ष र उपाध्यक्षमा एमाले विजयी