आइतबारदेखि रुपन्देहीका शैक्षिक संस्था खुल्ने

लुम्बिनी (रुपन्देही),  भदौ, ११ ।। यस क्षेत्रमा साउन २८ गतेदेखि बन्द रहेका शैक्षिक संस्था आइतबारदेखि खुल्ने भएका छन् । आन्दोलनरत संयुक्त मधेसी मोर्चा तथा संयुक्त थरुहट सङ्घर्ष समितिले रुपन्देहीका शैक्षिक संस्था खुला गर्न आह्वान गरेपछि आइतबारदेखि रुपन्देहीका सम्पूर्ण विद्यालय खुल्ने भएका हुन् । समितिले आज एक विज्ञप्ति जारी गरी भदौ १३ गते आइतबारदेखि सबै शैक्षिक संस्था खुला गर्न आह्वान गर्दै सो क्रममा चल्ने शैक्षिक संस्थाका सवारीसाधनलाई समेत अवरोध नगर्ने जनाएको छ । संयुक्त मधेसी मोर्चाका रुपन्देही संयोजक महेन्द्र यादव र थरुहट संयुक्त सङ्घर्ष समिति रुपन्देही, कपिलवस्तु र नवलपरासीका संयोजक देवीप्रसाद चौधरीले जारी गरेको विज्ञप्तिमा भनिएको छ – यसबीचमा सम्पूर्ण विद्यालयका सवारीसाधन आवागमन, अध्ययन अध्यापनमा आन्दोलनरत पक्षले कुनै अवरोध नगरी सहज आवतजावत गर्न सहयोग पुराउने र आम शैक्षिक प्रतिष्ठान सञ्चालक, अभिभावक, विद्यार्थी, शिक्षकमा जानकारी गराउँदै ढुक्क भएर विद्यालय सञ्चालन गर्न अनुरोध गर्दछौँ । विद्यालय बन्द रहँदा आन्दोलनमा विद्यार्थीको प्रयोगसमेत बढेको थियो । रासस

सम्बन्धित समाचार

Comments are closed

भर्खरै view all

पोखरा—बाग्लुङ राजमार्गको याम्दीमा यातायात बन्द गरेर काम गरिने, यी हुन सवारी चलाउने बैकल्पिक रुट

जलजलाका विद्यालयमा स्वास्थ्यकर्मीले पनि कक्षा शिक्षण गर्ने

नर्सलाई न्यूनतम तलब नदिने अस्पताललाई कारबाही गर्ने चेतावनी

पोखरामा अर्को अात्मदाह प्रयास, बचाउन गएकी महिला घाइते ईते

नागरिकता मुद्दामा रवि लामिछाने दोषी ठहर, उपप्रधानमन्त्री र सांसद पद पनि खारेज